एजेन्सी – स्पेनिस क्लब रियल मड्रिडले आफ्ना मुख्य फरवार्ड करिम बेन्जेमाको स्थान परिपुर्ति गर्न इंग्लिस क्लब टोटेनहम हटस्परका फरवार्ड ह्यारी केनलाई अनुबन्ध गर्ने तयारी थालेको छ ।

करिम बेन्जेमाको स्थानमा रियल म्याड्रिडको खोजीमा सूचीमा ह्यारी केन शीर्ष स्थानमा छन् । २९ वर्षीय केनसँग टोटनह्यामको सम्झौतामा एक वर्ष बाँकी छ र आफ्नो भविष्यको बारेमा अनिर्णित छन् । बेन्जेमा १४ वर्षपछि क्लबबाट बाहिरिएपछि स्पेनिस दिग्गजलाई नयाँ फरवार्डको आवश्यकता परेको छ ।

नेपोलीका भिक्टर ओसिमहेन, इन्टर मिलानका लाउटारो मार्टिनेज, चेल्सीका काई हाभर्ट्ज र युभेन्टसका डुसान भ्लाहोभिक पनि उरियलको सुचीमा छन् ।

तर १४ पटकको युरोपेली च्याम्पियन रियलको प्राथमिकतामा इङ्ल्यान्डका कीर्तिमानी गोलकर्ता केन नै रहेका छ । यो समरमा क्लबबाट धेरै खेलाडीहरु बाहिरिने भएकाले रियलले केनलाई महँगो मुल्यमै अनुबन्ध गर्न सकक्नेमा आशावादी छन् ।

बेन्जेमासँगै, इडेन हाजार्ड, मार्को एसेन्सियो र मारियानो डियाजले यो सिजनको अन्त्यसँगै रियल छाड्दैछन् । यि खेलाडीले रियल छाडेमा क्लबको बजेट ६६ मिलियन युरो बढ्नेछ ।

रियल बर्मिङहक सिटीका पूर्व खेलाडी इङ्ल्यान्डका मिडफिल्डर जुड बेलिङहमलाई लिएर जर्मन क्लब बोरुसिया डर्टमुन्डसँग वार्तामा छ ।

टोटेनहमका अध्यक्ष ड्यानियल लेवी केनलाई आफ्नो बाल्यकालको क्लबमा राख्न चाहन्छन्, यद्यपि केनको मुल्य १ सय मिलियनभन्दा बढी भएमा रियल त्यसमा अनिच्छुक रहने छ ।

केनले स्पर्सका लागि ४३५ खेलमा २८० गोल गरेका छन् । रियलले गत सिजन नै केनलाई अनुबन्ध गर्न चासो देखाएको थियो । तर, केनले म्यानचेस्टर सिटी जाने मनासय बनाएका थिए ।

तर स्पर्स अर्को सिजन युरोपेली फुटबलमा नरहेपछि उनी ट्रफी जित्नकै लागि क्लब छाड्ने स्थितिमा रहन सक्नेछ । ट्रफीको चाहनाले उसलाई स्पेन जान आकर्षित गर्ने रियलको आशा छ ।
छ।

सन् २००९ मा लियोनबाट स्पेनिस दिग्गजहरूसँग आवद्ध भएका ३५ वर्षीय बालोन डी’ओर विजेता बेन्जेमाले म्याड्रिडसँग पाँच च्याम्पियन्स लिग र चार ला लिगा उपाधि जितेकाले रियललाई निःशुल्क ट्रान्सफरमा छाडेका थिए ।