1 year ago
May 30, 2023
एजेन्सी – लन्डन क्लब चेल्सीले इंग्लिस क्लब टोटेनहम हटस्पर र फ्रान्सेली क्लब पेरिस सेन्ट जर्मेन (पिएसजी) का पूर्व प्रशिक्षक मोरिसियो पोचेटिनोलाई नयाँ प्रशिक्षकमा नियुक्त गरेको छ ।
५१ वर्षीय अर्जेन्टिनी पोचेटिनोले चेल्सीमा अर्को वर्षको विकल्पसहित दुई वर्षको सम्झौता गरेका हुन् । उनको सम्झौता १ जुलाई २०२३ देखि लागु हुनेछ ।
अन्तरिम प्रशिक्षक फ्रान्क लाम्पार्डको प्रशिक्षणमा रहेको चेल्सी यो सिजन इंग्लिस प्रिमियर लिगमा १२औं स्थानमा रह्यो । जुन चेल्सीको २५ वर्षभन्दा बढीको इतिहासमा सबैभन्दा कमजोर स्थान हो ।
‘मौरिसियो उत्कृष्ट रेकर्ड भएका विश्व–स्तरीय प्रशिक्षक हुन् । हामी सबै उहाँलाई बोर्डमा राख्नको लागि उत्सुक छौं ।’ क्लबले जारी गरेको विज्ञप्तिमा उल्लेख छ । चेल्सीले पोचेटिनो पहिलो रोजाई र क्लबमा ल्याइएका एक मात्र व्यवस्थापक भएको बताएको छ ।
उनले खेल निर्देशक पल विन्स्टान्ली र लरेन्स स्टीवर्टसँग काम गर्नेछन् । ‘मौरिसियोको अनुभव, उत्कृष्टताको मापदण्ड, नेतृत्वको गुण र चरित्रले चेल्सी फुटबल क्लबलाई हामी अगाडि बढ्न मद्दत गर्नेछ ।’ विन्स्टान्ली र स्टीवर्टले एक विज्ञप्तिमा भनेका छन् ।
उनी एक विजेता प्रशिक्षक हुन्, जसले उच्च स्तरमा, धेरै लिग र भाषाहरूमा काम गरेका छन् । पोचेटिनो यस सिजनको सुरुमा थोमस टुचेल र ग्राहम पोटरलाई बर्खास्त गरेपछि पाँच वर्षमा चेल्सीको छैटौं स्थायी प्रशिक्षक हुन् । पोटरको बर्खास्तीसँगै चेल्सीले लाम्पार्डलाई अन्तरिम प्रशिक्षक बनाएको थियो ।
टोड बोहली चेल्सीको नयाँ मालिक बनेपछि चेल्सीले जनवरीमा प्रिमियर लिगको रेकर्ड २८८ मिलियन पाउन्डसँगै खेलाडीको लागि ५५० मिलियन पाउन्ड भन्दा बढी खर्च गरेपनि चेल्सीको प्रदर्शन फितलो रह्यो ।
च्याम्पियन्स लिगको क्वार्टरफाइनलमा रियल म्याड्रिडसँग पराजित हुँदा विश्वकप विजेता एन्जो फर्नान्डेज र युक्रेनका विंर मिखाइलो मुड्रिकजस्ता स्टार खेलाडीको आगमनले चेल्सीको प्रदर्शन उस्तै रह्यो । चेल्सी एफए कप र काराबाओ कप दुवैमा तेस्रो राउण्डबाट बाहिरिएको थियो ।
मार्चमा एन्टोनियो कोन्टेलाई टोटेनहमले बर्खास्ती गरेपछि पोचेटिनो टोटेनहमसँगै जोडिएको थियो । तर, उनी लन्डन क्लबको प्रशिक्षक बने । स्पेनिस क्लब स्पान्योलबाट प्रशिक्षण करिअर सुरु गरेका पोचेटिनोले त्यसपछि १६ महिना साउथह्याम्प्टनको प्रशिक्षक बनेका थिए ।
त्यसपछि उनले सन् २०१४ देखि २०१९ सम्म टोटेनहमको प्रशिक्षक बने । उनले टोटेनहमलाई २०१५ मा लिग कपको उपाधि जिताउँदा २०१६–१७ को सिजनमा प्रिमियर लिगमा उपविजेता बनाए । टोटेनहमलाई च्याम्पियन्स लिगको फाइनलमा पु¥याएपनि टोलीलाई जिताउन सकेन ।
टोटेनहमपछि पोचेटिनो २०२१ को जनवरीमा पिएसजीको प्रशिक्षक बने । २०२०–२१ सिजनमा पिएसजी उपविजेता बन्यो । कप डे फ्रान्स र ट्रफी डे च्याम्पियन्स जिताएपनि उनी पिएसजीबाट बाहिरिए ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]