काठमाडौं (हाम्रो खेलकुद) – अखिल नेपाल फुटबल संघ (एन्फा) ले एएफसी यु–२० महिला एसियन कप छनोटको दोस्रो चरणको लागि नेपाली यु–२० महिला राष्ट्रिय टोलीको घोषणा गरेको छ ।

मुख्य प्रशिक्षक याम प्रसाद गुरुङले २३ सदस्यीय टोली घोषणा गरेको हो । प्यालेस्टाइनमा भएको पहिलो चरणको छनोटबाट नेपाल समूह ‘बी’ बाट उपविजेता बन्दै दोस्रो चरणमा पुग्न सफल भएको हो ।

नेपालले प्यालेस्टाइनमा भएको पहिलो राउण्डमा आयोजक प्यालेस्टाइन र उत्तरी मारियाना आइल्याण्डलाई समान ६–० गोल अन्तरले पराजित गर्दै दोस्रो चरणमा प्रवेश गरेको थियो ।

छनोटको दोस्रो चरणमा नेपाल समूह ‘बी’ मा रहेको छ । नेपाल रहेको समूहमा चीन, म्यानमार र चाईनिज ताइपे रहेका छन् । ‘ए’ समूहमा अष्ट्रेलिया, भियतनाम, इरान र लेबनान रहेका छन् ।

दोस्रो चरणको छनोट जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू–२० महिला एसियन कप खेल्नेछ । नेपालले जुन ६ मा आयोजक म्यानमारसँग खेल्नेछ । जुन ८ मा चीनसँग तथा जुन १० मा चाइनिज ताइपेसँग अन्तिम खेल खेल्नेछ ।

उज्वेकिस्तानमा हुने यु–२० महिला एसियन कप २०२४ को मार्च ३ देखि १६ सम्म हुनेछ । यु–२० महिला एसियन कपमा १६ टोलीले प्रतिस्पर्धा गर्नेछन् ।

२३ सदस्यीय नेपाली टोली
गोलरक्षक – कविता विक, लिला जोशी र सावित्री किसान
डिफेन्डर – सविना चौधरी, तुलसा बोहरा, सुनिता भुलान, सिमरन राई, दिव्या यस्माली मगर, प्रतिक्षा चौधरी, सजनी थोकर र कुमारी तामाङ
मिडफिल्डर – सरस्वती हमाल, मनमाया दमाई, सुनकला राई, दीपा शाही, हिमा रावत, सुष्मा जीटी, अन्जली मचामासी र सारा बज्राचार्य
फरवार्ड – अमिषा कार्की, ममता पुन, गरिमा राई र सन्दिपा भोलान