पुलिस विजयी, थ्री स्टारको हार

काठमाडौं (हाम्रो खेलकुद) – विभागीय नेपाल पुलिस क्लबले सहिद स्मारक ‘ए’ डिभिजिन लिगमा सहज जित हात पार्दा थ्री स्टार क्लबले हार बेहोरेको छ ।

पुलिसले रेलिगेसन जोनमा रहेको एफसी खुमलटारमाथि २–० को सहज जित हात पारेको हो । पुलिसको जितमा भरत साह र मोहम्मद आसिकले गोल गरे । दशरथ रंगशालामा शुक्रबार भएको खेलमा दुवै गोल दोस्रो हाफमा भएको थियो ।

खेलको ७५औं मिनेटमा भरत साहको गोलबाट पुलिसले १–० को अग्रता लिन सफल भयो । त्यसपछि ८७औं मिनेटमा मोहम्मद आसिकले गोल गर्दै पुलिसको जित पक्का गरे ।

यस जितसँगै पुलिस २१ खेलबाट २८ अंक जोडेर सातौं स्थानमा उक्लिएको छ । पराजित खुमलटार २१ खेलबाट २१ अंक जोडेर पुछारमा छ ।

अर्काे खेलमा अन्तिम समयमा सम्हालिन नसक्दा थ्री स्टार क्लब हिमालयन शेर्पा क्लबसाग १–० ले पराजित भएको छ । शेर्पाको जितमा इन्ज्युरी समयको थप गरिएको पाँचौं मिनेटमा निशान लिम्बुले गोल गरे ।

यस जितसँगै शेर्पा २१ खेलबाट २९ अंक जोडेर चौथो स्थानमा उक्लिएको छ । पराजित थ्री स्टार २६ अंक जोडेर १०औं स्थानमा झरेको छ ।

पुलिस विजयी, थ्री स्टारको हार

Latest News

Popular News

फुटबल

झापामा एनएसएलको ट्रफी प्रदर्शन

३ नयाँसहित राष्ट्रिय फुटबल टोलीको घोषणा

ललितपुरका डिफेन्डर देकिते आइपुगे

चर्चित खेलहरु:

उपयोगी लिङ्कहरू

सम्पर्क

सामाजिक संजाल