2 years ago
May 24, 2023
एजेन्सी – यस सिजनको स्पेनिस ला लिगाको च्याम्पियन बनिसकेको क्याटलान क्लब बार्सिलोनाले लगातार दोस्रो हार बेहोरेको छ ।
लगातार दोस्रो हार बेहोर्ने क्रममा बार्सिलोना घरेलु टोली रियल भालाडोलिडसँग ३–१ ले पराजित भएको हो । बार्सिलोना यसअघि रियल सोसिडाडसँग २–१ ले पराजित भएको थियो ।
भालाडोलिडमा मंगलबार राति भएको खेलमा बार्सिलोनालाई हार चखाउन रियल भालाडोलिडका साइल लरिन र गोन्जालो प्लाटाले गोल गर्दा एक गोल उपहार पाएको थियो । बार्सिलोनाका रोबर्ट लेवान्डोस्कीले एक गोल फर्काए ।
खेलको दोस्रो मिनेटमा नै आन्द्रेसर क्रिस्टेन्सेनको आत्मघाती गोलबाट बार्सिलोना खेलमा पछि परेको थियो । डार्विन माचिसको क्रसलाई क्लियर गर्ने क्रममा आन्द्रेसले आफ्नै पोस्टमा गोल गर्न पुगेका थिए ।
२२औं मिनेटमा साइल लरिनले पेनाल्टीमा गोल गर्दै घरेलु टोलीलाई पहिलो हाफमा २–० ले अघि बढाए । गोन्जालो प्लाटालाई पेनाल्टी बक्समा एरिक गार्सियाले फउल गरेपछि रेफ्रीले भालाडोलिडलाई पेनाल्टी प्रदान गर्दा साइल चुकेनन् ।
७३औं मिनेटमा गोन्जालो प्लाटाले गोल गर्दै भालाडोलिडलाई ३–० ले अघि बढाए ।उनले साइल लरिनको पासमा गोल गर्न सफल भएका थिए ।
८४औं मिनेटमा लेवान्डोस्कीले फ्रान्की डि जोङको पासमा गोल गर्दै खेललाई ३–१ को स्थितिमा ल्याएपनि त्यसपछि थप गोल निस्कन नसक्दा बार्सिलोना पराजित हुन पुग्यो ।
यस लगातार दोस्रो हारसँगै च्याम्पियन बनिसकेको बार्सिलोनाको ३६ खेलबाट ५ अंक छ । बार्सिलोनालाई हराएको भालाडोलिड ३६ खेलबाट ३ अंक जोडेर १७औं स्थानमा छ ।
January 17, 2025
नेपालगञ्ज (हाम्रो खेलकुद)- नेपालगञ्जमा अर्को महिना हुने लुम्बिनी कप महिला फुटबल प्रतियोगिताको तयारी तीव्र रुपमा अघि बढेको आयोजक अन्तरालले जनाएको छ। बाँके जिल्ला फुटबल संघको सहकार्यमा लुम्बिनी फागुन १९ गतेदेखि २९ गतेसम्म नेपालगञ्ज रंगशालामा हुनेछ । नेपालगञ्ज रंगशालामा आयोजना शुक्रवार गरिएको पत्रकार भेटघाटमा अन्तरालका कार्यकारी प्रमुख जयनारायण शाहले प्रतियोगिता प्रतियोगिता संचालनका लागि तयारी अघि बढेको […]
January 17, 2025
काठमाडौं(हाम्रो खेलकुद) – एपिएफ फुटबल क्लबले एन्फा राष्ट्रिय महिला लिगको अन्तिम चरणमा लगातार छैटौं जित हासिल गरेको छ। एपिएफले शुक्रवार वालिङ नगरपालिकालाई १०-० ले हराएको हो। सातदोबाटोस्थित एन्फा कम्प्लेक्समा एपिएफको जितमा रश्मिकुमारी घिसिंङले ४, सरु लिम्बु र सविता राना मगरले समान २ तथा प्रीति राई र रेनुका नगरकोटेले समान १ गोल गरिन् । शीर्ष स्थानको […]
January 17, 2025
एजेन्सी – रियल म्याड्रिड कोपा डेल रे को क्वाटरफाइनलमा पुगेको छ। सेल्टा भिगोलाई बिहीवार ५-२ ले हराउँदै रियल अन्तिम आठमा पुगेको हो। घरेलु मैदानमा रियलले २-० को अग्रता जोगाउन नसक्दा जितका लागि थप समय सम्म कुर्नुपर्यो । इन्ज्युरी समयमा रियल सम्हालिन नसक्दा सेल्टा भिगोले बराबरी गोल फर्कायो । रियललाई जित दिलाउन एन्ड्रिकले २, केलियन एम्बाप्पे, […]