1 year ago
May 21, 2023
काठमाडौं (हाम्रो खेलकुद) – नेपाली महिला फुटबल टोलीकी स्टार स्ट्राइकर सावित्रा भण्डारी (साम्बा) को उत्कृष्ट प्रर्दशनमा गोकुलम केरला एफसीले भारतिय महिला लिग (आइडब्लुएल) को उपाधि जितेको छ ।
केरलाले आइतबार फाइनलमा किकस्टार एफसीलाई ५-० को फराकिलो अन्तरले हराउँदै उपाधिमा ह्याट्रिक गरेको हो । नेपाली टोलीकै मिडफिल्डरद्धय सरु लिम्बु र रेनुका नगरकोटे सम्मिलित किकस्टारलाई हराउन सावित्राले उत्कृष्ट प्रदर्शन गरिन् ।
खेलको पाँचौ मिनेटमा साम्बाको गोलमा गोकुलमले सुरुवाती अग्रता लिएको थियो । मैदानको पेनाल्टी बक्सको केहि बाहिरबाट साम्बाले उत्कृष्ट गोलका साथ १-० को अग्रता दिलाएकी थिइन् । खेलको २२ औं मिनेटमा सन्ध्या रंगनानाथको गोल गर्दै अग्रता दोब्बर पारेकी थिइन् ।
खेलको ३५ औं मिनेटमा किकस्टारकी खेलाडीले पेनाल्टी एरियामा बल ह्यान्ड भएपछि गोकुलमले पेनाल्टी अवसर पाएको थियो । सन्ध्याले पेनाल्टीमा गोल गर्दै ३(० को अग्रता लिएकी थिइन् । पहिलो हाफमा ३-० को अग्रता बनाएको गोकुलमले दोस्रो हाफमा थप दुई गोल गर्दै सानदार जित हात पारेको हो ।
खेलको ५३ औं मिनेटमा साम्बाको क्रसमा सन्ध्याले गोल गर्दै गोकुलमलाई ४-० को फराकिलो अग्रता बनायो। खेलको ८१ औं मिनेटमा साम्बाको क्रसमा रोजादेवीले गोल गर्दै गोकुलमलाई ५-० अवस्थामा पुर्याएकी थिइन् ।
गोकुलमले यसअघि सन् २०१९/२० र २०२१-२२ को सिजन लगातार उपाधि जितेको थियो । २०२०/२१ मा भने कोभिड-१९ को कारण आइडब्लुएल हुन सकेको थिएन । साम्बाले घुँडाको चोटका कारण २०२१/२२ को सिजन गुमाउन पुगेकी थिइन् । सावित्रा लिगमा सर्वाधिक गोलकर्ता बन्दै २९ गोल गरेकी थिइन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]