1 year ago
May 21, 2023
एजेन्सी – सुरुवाती अग्रता जोगाउन नसक्दा उपाधि होडमा रहेको बायर्न म्युनिखले जर्मन बुन्डेस लिगामा लज्जास्पद हार बेहोरेको छ ।
बायर्न घरेलु मैदानमा आरबी लाइप्जिगसँग ३–१ ले पराजित भएको हो । लाइप्जिगको जितमा कोनरड लेइमर, क्रिस्टोफोर एनकुन्कु र डोमिनिक जोबोस्लाईले गोल गरे । बायर्नका सर्ज नाब्रीको गोल सान्त्वना बन्यो ।
एलिएन्ज एरिना म्युनिखमा शनिबार राति भएको खेलको २५औं मिनेटमा सर्ज नाब्रीको गोलबाट बायर्नले पहिलो हाफमा १–० को अग्रता लिन सफल भएको थियो । तर, त्यो अग्रतालाई बायर्नले दोस्रो हाफमा जोगाउन सकेन ।
६५औं मिनेटमा कोनरड लेइमरले गोल गर्दै खेललाई १–१ गोलको बराबरीमा ल्याए । ७६औं मिनेटमा क्रिस्टोफोर एनकुन्कुले पेनाल्टीमा गोल गरेपछि बायर्न खेलमा २–१ ले पछि पर्यो । त्यसको १० मिनेटपछि डोमिनिक जोबोस्लाईले पेनाल्टीमै गोल गर्दै बायर्नलाई हार चखाए ।
यस हारसँगै बायर्नको उपाधि यात्रामा धक्का लागेको छ । बायर्नले शीर्षस्थानमा ४ अंकको अग्रता लिने अवसर गुमाएको छ । शीर्षस्थानमा रहेको बायर्नको ३३ खेलबाट ६८ अंक पुगेको छ ।
अब दोस्रो स्थानमा रहेको बोरुसिया डर्टमुन्डले आफ्नो खेलमा जित निकालेमा शीर्षस्थानमा उक्लदै बायर्नलाई २ अंकले पछि पार्नेछ । अब बायर्नलाई च्याम्पियन बन्न आफ्नो खेलमा जित निकाल्नुका साथै डर्टमुन्डले अंक गुमाउनु पर्नेछ ।
अन्तिम खेलमा डर्टमुन्ड र बायर्न दुवैले जित निकालेमा डर्टमुन्ड च्याम्पियन बन्ने छ । बायर्नलाई हराएको आरबी लाइप्जिग ३३ खेलबाट ६३ अंक जोडेर तेस्रो स्थानमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]