1 year ago
May 21, 2023
एजेन्सी – यो सिजनको स्पेनिस ला लिगाको च्याम्पियन बनिसकेको क्याटलान क्लब बार्सिलोना घरेलु मैदानमा पराजित भएको छ । बार्सिलोना घरेलु मैदानमा रियल सोसिडाडसँग २–१ ले पराजित भएको हो ।
स्पोटिफाइ क्याम्प नोउमा शनिबार राति भएको खेलमा बार्सिलोनालाई हार चखाउन मिकेल मेरिनो र एलेक्सान्डर सोर्लोथले गोल गरे । घरेलु टोलीका रोबर्ट लेवान्डोस्कीले एक गोल फर्काए ।
खेलको पाँचौ मिनेटमा मिकेल मोरिनोको गोलबाट बार्सिलोना खेलमा १–० ले पछि पर्यो । उनले सोर्लाेथको पासमा गोल गर्न सफल भएका थिए ।
७१औं मिनेटमा सोर्लाेथले मार्टिन जुवीमेन्डीको पासमा गोल गर्दै रियल सोसिडाडलाई २–० ले अघि बढाए । त्यसपछि इन्ज्युरी समयमा लेवान्डोस्कीले फेरान टोरेसको पासमा गोल गर्दै खेललाई २–१ को स्थितिमा ल्याएपनि बार्सिलोनाको हार टरेन ।
च्याम्पियन बनेसँगै बार्सिलोनालाई खेल सकिएलगत्तै ट्रफी प्रदान गरिएको थियो । घरेलु मैदानमा हार भोगेपनि बार्सिलोनाले खुशीयाली मनाए ।
यस हारसँगै शीर्षस्थानमा रहेको बार्सिलोनाको ३५ खेलबाट ८५ अंक छ । बार्सिलोनाले दोस्रो स्थानको रियल म्याड्रिडलाई १४ अंकले पछि पारेको छ ।
बार्सिलोनालाई हराएको रियल सोसिडाडले शीर्ष चारमा रहँदै अर्काे सिजनको च्याम्पियन्स लिग खेल्ने सम्भावना बनाएको छ । सोसिडाड ३५ खेलबाट ६५ अंक जोडेर चौथो स्थानमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]