1 year ago
May 16, 2023
एजेन्सी – नेपाली राष्ट्रिय महिला फुटबल टोलीकी कप्तान एन्जिला तुम्बापो सुब्बा र फरवार्ड सावित्रा भण्डारी साम्बा आबद्ध क्लब भारतीय महिला लिग (आइडब्ल्यूएल) को सेमिफाइनलमा प्रवेश गरेका छन् ।
एन्जिला आबद्ध सेथु र साम्बा आबद्ध गोकुलम केरेला एफसी मंगलबार विजयी भएका थिए । सेथुले इस्ट बंगाललाई ९–० ले हराउँदा सावित्राको टोलीले उडिसा एफसीमाथि जित हासिल गर्नका लागि संघर्ष गर्नुपरेको थियो ।
सेथुलाई जित दिलाउन अर्पुणा नार्जेरीले ६ गोल गरेकी थिइन् भने काजोल डिसुजा, नाउरेम प्रियंका देवी, इभी फेथ एन्टिनोले समान १ गोल गरेका थिए । एन्जिलाले पूरा समय खेलेकी थिइन् ।
गोकुलमले भने उडिसालाई टाइब्रेकरमा ३–० ले हराएको थियो । त्यसअघि निर्धारित समय १–१ को बराबरीमा टुंगिएको थियो । १० खेलाडीमा सिमित रहँदै खेलको अन्त्य गरेको गोकुलमले १–० को बराबरीबाट पूनरागमन गरेको थियो ।
गोकुलमको सेमिफाइनल यात्रामा गोलकिपर बेट्रिका एनटिवा एनकेटियाले उच्च प्रदर्शन गरेकी थिइन् । उनले उडिसाका ३ खेलाडीको पेनाल्टी रोक्दै गोकुलमको अघिल्लो चरणको यात्रा पक्का गरेकी थिइन् । गोकुलमका लागि सावित्राले पनि पेनाल्टीमा गोल गरेकी थिइन् ।
एनगागोम बाला देवीको गोलबाट उडिसाले दोस्रो मिनेटमै खेलमा अग्रता लिएको थियो । असेम रोजा देवीले पहिलो हाफको इन्ज्युरी समयमा गोल गर्दै खेललाई बराबरीमा ल्याएकी थिइन् । सावित्रा र अन्य खेलाडीले गोलका लागि केहि अवसर सृजना गरेपनि सफल भने हुन सकेनन् ।
सरु र रेनुका आबद्ध टोली अन्तिम चारमा
राष्ट्रिय टोलीका मिडफिल्डरद्वय सरु लिम्बु र रेनुका नगरकोटे सम्मिलित किकस्टार्ट फुटबल क्लब लिगको सेमिफाइनलमा प्रवेश गरेको छ । फरवार्ड रेखा पौडेल सम्मिलित स्पोर्ट्स ओडिसा भने क्वाटरफाइनलबाट बाहिरियो ।
मंगलबार भएको क्वाटरफाइनलमा हप्स फुटबल क्लबलाई २–१ ले हराउँदै किकस्टार्टले अन्तिम चारमा स्थान बनाएको हो । किकस्टार्टका लागि काभिया पक्किरिसमीले १७ औं मिनेटमा अग्रता दिलाएकी थिइन् । रेणु रानीले ६२ औं मिनेटमा खेल बराबरीमा ल्याइन् । इन्ज्युरी समयमा किओको एलिजबेथले गोल गर्दै किकस्टार्टलाई जित दिलाइन् ।
किकस्टार्टका लागि रेनुका र सरु दुवैले सुरुवाती रोजाइमा खेलेका थिए । ७४ औं मिनेटमा रेनुकाको स्थानमा विजयी गोलकर्ता एलिजाबेथ मैदान प्रवेश गरेकी थिइन् । सरुले भने पूरा ९० मिनेट बिताइन् । यस्तै रेखा पौडेलको टोली स्पोर्ट्स ओडिसा भने इस्टर्न स्पोर्टिङ युनियनसँग टाइब्रेकरमा ४–२ को स्कोरमा पराजित भयो । निर्धारित ९० मिनेट १–१ को बराबरीमा सकिएको थियो ।
६७ औन् मिनेटमा ल्हिंगेदेकिमको गोलमा इस्टर्नले अग्रता लिएको थियो । मनिषा नाईकले ८० औं मिनेटमा बराबरी गोल फर्काइन् । रेखाले ९० मिनेट नै मैदानमा बिताइन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]