1 year ago
May 15, 2023
एजेन्सी – उपाधि होडमा रहेको लन्डन क्लब आर्सनलले घरेलु मैदानमै लज्जास्पद हार बेहोरेपछि टोलीको इंग्लिस प्रिमियर लिगको उपाधि यात्रामा धक्का लागेको छ ।
आर्सनल घरेलु मैदानमा ब्राइटनसँग ३–० ले पराजित भएपछि उपाधि होडमा धक्का लागेको हो । यो हारले आर्सनल एक खेल कम खेलेको शीर्षस्थानको म्यानचेस्टर सिटीसँग ४ अंकले पछि परेको छ ।
इमिरेट्स स्टेडियम लन्डनमा आइतबार राति भएको खेलमा आर्सनललाई हार चखाउन जुलियो इनसिसो, डेनिज अन्डभ र पर्भिस इस्टुपिनानले गोल गरे ।
घरेलु मैदानमा आर्सनलले ब्राइटनलाई पहिलो हाफमा बराबरीमा रोकेपनि दोस्रो हाफमा भने रोक्न सकेन । ५१औं मिनेटमा जुलियो इनसिसोले गोल गरेपछि आर्सनल खेलमा १–० ले पछि पर्यो । उनले पर्भिस इस्टुपिनानको पासमा गोल गर्न सफल भएका थिए ।
८६औं मिनेटमा डेनिज अन्डभले पास्कल ग्रसको पासमा गोल गर्दै ब्राइटनको अग्रता दोब्बर पारे । त्यसपछि इन्ज्युरी समयको थप गरिएको छैटौं मिनेटमा पर्भिस इस्टुपिनानले गोल गर्दै ब्राइटनलाई ३–० को सानदार जित दिलाए ।
यस जितसँगै ब्राइटन प्रिमियर लिगमा शीर्ष ६ मा रहने सम्भावना बलियो बनेको छ । छैटौं स्थानमा रहेको ब्राइटनको ३४ खेलबाट ५८ अंक पुगेको छ ।
पराजित आर्सनल ३६ खेलबाट ८१ अंक जोडेर दोस्रो स्थानमा यथावत छ । आर्सनललाई उपाधि जित्न आफ्नो बाँकी दुवै खेलमा जित तथा अर्काेतर्फ सिटीले अंक गुमाउनुपर्ने हुन्छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]