1 year ago
May 14, 2023
एजेन्सी – इंग्लिस प्रिमियर लिगमा म्यानचेस्टर युनाइटेडले सहज जित हात पार्दा चेल्सी बराबरीमा रोकिएको छ ।
युनाइटेडले घरेलु मैदानमा वल्भ्समाथि २–० को सहज जित हात पारेको हो ।
युनाइटेडको जितमा एन्थोनी मार्सियाल र एलेहान्द्रो गर्नाचोले गोल गरे । ओल्ड ट्राफोर्डमा शनिबार राति भएको खेलको ३२औ मिनेटमा एन्थोनी मार्सियालले गोल गर्दै युनाइटेडलाई पहिलो हाफमा १–० को अग्रता दिलाए । उनले एन्टोनीको पासमा गोल गर्न सफल भएका थिए ।
त्यसपछि इन्ज्युरी समयको थप गरिएको चौथो मिनेटमा परिवर्तित खेलाडी गर्नाचोले गोल गर्दै युनाइटेडको जित पक्का गरे । ८२औं मिनेटमा जेडान सान्चोको स्थानमा मैदान छिरेका गर्नाचोले ब्रुनो फर्नान्डेसको पासमा गोल गर्न सफल भएका थिए ।
यस जितसँगै युनाइटेड ३५ खेलबाट ६६ अंक जोडेर चौथो स्थानमा यथावत रहेको छ । समान ६६ अंक नै रहेपनि न्यूक्यासल युनाइटेड गोलअन्तरमा अघि छ । पराजित वल्भ्स ३६ खेलबाट ४० अंक जोडेर १३औं स्थानमा छ ।
प्रिमियर लिगकै अर्काे खेलमा चेल्सीले घरेलु मैदानमा नटिङहम फरेस्टसँग २–२ गोलको बराबरी खेलेको छ । चेल्सीका लागि दुवै गोल रहिम स्टर्लिङले गर्दा नटिङहमका ताइवो एओनियिले पनि दुई गोल गरे ।
स्टामफोर्ड ब्रिजमा शनिबार राति भएको खेलको १३औं मिनेटमा ताइवोको गोलबाट घरेलु टोली चेल्सी खेलमा पछि परेको थियो । ५१औं मिनेटमा रहिमले गोल गर्दै खेललाई १–१ गोलको बराबरीमा ल्याए ।
५८औं मिनेटमा रहिमले व्यक्तिगत र टोलीका लागि दोस्रो गोल गर्दै चेल्सीलाई २–१ को अग्रता दिलाए । तर, ६२औं मिनेटमा ताइवोले पनि व्यक्तिगत र टोलीका लागि दोस्रो गोल गर्दै खेललाई २–२ गोलको बराबरीमा ल्याए ।
यस बराबरीसँगै चेल्सी ३५ खेलबाट ४३ अंक जोडेर ११औं स्थानमा छ । नटिङहम ३६ खेलबाट ३४ अंक जोडेर १६औं स्थानमा छ ।
अन्य नतिजा
लिड्सविरुद्ध न्यूक्यासल (२–२)
साउथह्याम्टनविरुद्ध फुलहम (०–२)
एस्टन भिल्लाविरुद्ध टोटेनहम (२–१)
क्रिस्टल प्यालेसविरुद्ध बर्नमाउथ (२–०)
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]