1 year ago
May 12, 2023
काठमाडौं (हाम्रो खेलकुद) – नेपाली राष्ट्रिय महिला फुटबल टोलीकी फरवार्ड सावित्रा भण्डारी साम्बाले भारतीय महिला लिग (आईडब्ल्यूएल) मा उच्च प्रदर्शनलाई निरन्तरता दिएकी छिन् ।
समूह चरणमा अपराजित रहेको गोकुलम केरेला एफसीले शुक्रबार सावित्राको ७ गोलसँगै मुम्बई किंग्स एफसीलाई ११–१ ले हराएको थियो । ७ खेलमा ६ जित र १ बराबरी खेल्दै गोकुलम १९ अंकका साथ समूह एको शीर्षस्थानमा रहेको छ ।
गोकुलमका लागि सन्ध्या रंगनानाथले २ तथा इन्दुमती र रोजाले समान १ गोल गरे । मुम्बइकी भुमिका मानेले एक गोल फर्काइन् । सावित्राले पहिलो हाफमै ४ गोल गरेकी थिइन् । उनी प्लेयर अफ दी म्याच भइन् ।
सावित्रा सर्वाधिक गोलकर्ताको सुचीमा शीर्षस्थानमा छिन् । उनले ७ खेलमा २६ गोल गरिसकेकी छिन् । गोलकुलमले एउटा खेलमा गोलरहित बराबरी खेलेको थियो । बाँकी ६ खेल जित्दा सावित्राले सबै खेलमा गोल गरेकी थिइन् । ९ गोलका साथ सेथु एफसीकी काजोल डेसुजा उच्च गोलकर्ताको दोस्रो स्थानमा छिन्।
सावित्राले ११ औं, १६ औं र ३२ औं मिनेटमा गोल गर्दै ह्याट्रिक पूरा गरिन् । त्यसपछि ३९, ५५ , ८९ र इन्ज्युरी समयको दोस्रो मिनेटमा गोल गरिन् । इन्दुमतिले १० औं मिनेटमा, सन्ध्याले १५ र ५७ औं तथा रोजा देवीले ६२ औं मिनेटमा गोल गरेकी थिइन् ।
अर्की राष्ट्रिय टोलीकी फरवार्ड रेखा पौडेल आबद्ध स्पोर्टस उडिसाले भने मिसाका युनाइटेड एफसीसँग गोलरहित बराबर खेलकोे छ । रेखाको टोलीले दोस्रो स्थानमा रहँदै समूह चरणको अन्त्य गरेको छ । ७ खेलमा स्पोर्टस उडिसाको १३ अंक छ ।
समान १३ अंक भएको इस्ट बंगाल अंकतालिकाको तेस्रो स्थानमा छ । समूह बीमा राष्ट्रिय टोलीकी कप्तान तथा गोलकिपर एन्जिला तुम्बापो सुब्बा आबद्ध सेथु १६ अंकसहित शीर्षस्थानमा छ ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]