1 year ago
May 11, 2023
काठमाडौं (हाम्रो खेलकुद) – जावलाखेल युवा क्लब सहिद स्मारक ए डिभिजन लिगको शीर्ष स्थानमा उक्लिएको छ ।
च्यासल मैदानमा फ्रेन्ड्स क्लबलाई ४-१ ले हराउँदै जावलाखेल शीर्ष स्थानमा फर्किएको हो । जावलाखेलको जितमा एनकोटो मासोआबीले २ तथा राहुल राहुल र फोडे फोफानाले १-१ गोल गरे । फ्रेन्ड्सका लागि श्याम बाबु क्यापछाकीले गोल फर्काए ।
जावलाखेलको १७ खेलमा ३० अंक छ । चर्च ब्वाइज समान ३० अंकमा भएपनि हेड टु हेड नतिजामा पछि छ । जावलाखेलले चर्च ब्वाइजलाई १-० ले हराएको थियो । फ्रेन्ड्स १७ खेलमा १९ अंकसाथ ११ अौं स्थानमा छ ।
२० अौं मिनेटमा जावलाखेलले अग्रता लियो । अब्दुलअजिज निशानबाएभको कर्नरमा भारतीय डिफेन्डर राहुल राहुलले हेडरमार्फत गोल गरे । त्यसको ६ मिनेटपछि नै अब्दुलअजिजले अर्को असिस्ट प्रदान गरे । उनको फ्रिकिकलाई एनकोटो मासोआबीले गोलको दिशा दिए।
५७ अौं मिनेटमा फ्रेन्ड्सका असिम भुषालको फ्रिकिक पोस्टभन्दा थोरै माथिबाट बाहिरियो । ६४ अौं मिनेटमा मासोआबीको पेनाल्टीमा जावलाखेलले ३-० को अग्रता लियो । पेनाल्टी क्षेत्रभित्र एन्जल महर्जनले ह्यान्ड गरेपछि रेफ्री उमेश विदारीले पेनाल्टी दिए ।
७५ अौं मिनेटमा मासोआबीको ह्याट्रिकसामु गोलरक्षक राजाबाबु थापा बाधक बने । उनले पेनाल्टी क्षेत्र भित्रबाट गरेको शक्तिशाली प्रहार राजाबाबुले मुस्किलले बचाए । ८० अौं मिनेटमा श्याम बाबु क्यापछाकीले फ्रेन्ड्सका लागि गोल फर्काए ।
इन्ज्युरी समयमा फोडे फोफानाले गोल गर्दै जावलाखेलको जित पक्का गरे । उनले मासोआबीको पासमा सुन्दर भलीमार्फत गोल गरे ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]