1 year ago
May 9, 2023
काठमाडौं (हाम्रो खेलकुद)– नेपाली राष्ट्रिय महिला फुटबल टोलीकी फरवार्ड सावित्रा भण्डारी साम्बाको उच्च प्रदर्शनबाट प्रेरित गोकुलम केरेला एफसीले भारतीय महिला लिग (आइडब्ल्यूएल) मा मंगलबार सानदार दर्ता गरेको छ ।
सावित्रा एक्लैले ४ गोल गरेको खेलमा गोकुलमले माता कुमानी फुटबल क्लबलाई ९–० को फराकिलो अन्तरले हराएको छ । छैटौं खेलमा गोकुलमको यो पाँचौं जित हो । १ खेलमा बराबरी खेलेको गोकुलम १६ अंकका साथ समूह एको अंकतालिकाको शीर्षस्थानमा छ ।
सावित्राले ४ वा सो भन्दा बढी गोल गरेको यो चौथो खेल हो । उनको गोल संख्या १९ पुगिसकेको र सर्वाधिक गोलकर्ताको सुचीमा उनी शीर्षस्थानमा छिन् । सेथुकी काजोज डिसजा उच्च गोलकर्ताको दोस्रो स्थानमा छिन् । मंगलबार सावित्राले पहिलो र दोस्रो हाफमा समान २ गोल गरेकी थिइन् ।
पाँचौं मिनेटमा सोरोखाबाम रन्जना चानुको गोलबाट गोकुलमले अग्रता लिएको थियो । सावित्राले सातौं र १२ औं मिनेटमा गोल गरिन् । डाङमइ ग्रेसले २० औं, हेमाम सिल्की देवीले २७ औं तथा इन्दुमथीले ३५ औं र इन्ज्युरी समयको तेस्रो मिनेटमा गोल गरेपछि टोलीले पहिलो हाफमा ७–० को अग्रता लिएको थियो ।
६८ औं मिनेटमा अर्को गोल गर्दै सावित्राले जारी लिगमा चौथो ह्याट्रिक पूरा गरेकी थिइन् । लगत्तै ६९ औं मिनेटमा सावित्राले अर्को गोल थपिन् । सावित्रा प्लेयर अफ दी म्याच घोषित भएकी थिइन् । राष्ट्रिय टोलीकी कप्तान एवंम गोलकिपर एन्जिला तुम्बापो सुब्बा आबद्ध सेथुको टोली १८ अंकका साथ समूह बीको शीर्षस्थानमा छ ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]