काँकरभिट्टा(हाम्रोखेलकुद)- जारी काँकरभिट्टा गोल्डकप प्रतियोगिताको दोस्रो संस्करणको उपाधिका लागि शनिबार एपीएफ र झापा ११ बीच फाइनल खेल हुँदैछ । धेरै मोफसल प्रतियोगिताको फाइनल एक आपसमा खेलिसकेका यी दुइ टोलिबिचको खेल प्रतिस्प्रधात्मक हुने देखिएको छ ।  

भर्खरै सम्पन्न भनेको ७औ राष्ट्रिय खेलकुदमा स्वर्ण पदक जितेको एपिएफको टिम हेटौंडामा जारी हेटौंडा अन्तराष्ट्रिय गोल्ड कपको पहिलो खेलमै पराजित भएपछी मेची नेत्रालय काँकरभिट्टा गोल्डकप प्रतियोगिता खेल्न आफ्ना पाँच सुरुआती खेलाडी बिनानै काँकरभिट्टा पुगेको हो । आफ्ना प्रमुख दुइ फर्वार्ड अन्जन र रन्जन बिनानै पहिलो खेलमा सकंटा र दोस्रो खेलमा आयोजक टोली काँकरभिट्टा फूटबल ट्रेनिङ सेन्टरलाई पराजित गरेको थियो ।  आफ्नो टिम स्तरीय रहेको बताउदै एपीएफका प्रशिक्षक रत्नकाजी मर्हजनले भने,’ नियमित प्रशिक्षणहरु भइरहेका छन् सेट धेरै मिलेकाले पनि आफ्नो टिमले यो उपाधि समेत उचाल्ने दाउमा छौ ।’

यता रमपम झापा ११ जुनुकै हालतले पनि यो उपाधि जित्ने जोडतोडमा छ । यो सिजनको पहिलो गोल्डकप साहारा सुरुङ्गा गोल्डकप प्रतियोगितामा एपीएफ संग ट्राइब्रेकरमा  पराजित बनेको रमपम झापा ११ ले त्यसको बद्ला लिन पनि यो प्रतियोगिता जित्नु पर्ने दवाव छ । ‘हामी नयाँ रणनीतिसहित मैदान प्रवेश गर्ने छौ’ रमपम झापा ११ का व्यवस्थापक गोपाल राईले भने —‘ हामी निर्धारीत समयमै स्कोर निकाल्छौ, अन्य खेलाडी थप्नु परे पनि मैदान उतार्छौ गोलरक्षक अलि अनुभवी नभएका कारण हामीले पराजय भोग्नु पर्छ कि भन्ने छ तर, हामी त्यसो हुन दिदैंनौ ।’