संकटाको रेलिगेसन क्षेत्र छाड्ने प्रयास

काठमाडौं (हाम्रो खेलकुद) – सहिद स्मारक ए डिभिजन लिग अन्तर्गत आइतबार दुई खेल हुँदैछन् । दिउँसो ३ बजे हुने खेलमा संकटा क्लब खराब लयलाई अन्त्य गर्दै रेलिगेसन क्षेत्र छोड्ने प्रयासमा हुनेछ ।

पछिल्लो ५ मध्य ४ खेलमा हार र १ मा बराबरी खेलेको संकटाले आज एन्फा कम्पलेक्स मैदानमा त्रिभुवन आर्मी क्लबको सामना गर्दैछ । पहिलो लेगमा यी दुई टोलीको खेल गोलरहित बराबरीमा सकिएको थियो । संकटा १४ खेलमा १६ अंकसाथ १३ औं स्थानमा छ । आर्मी १४ खेलमा २० अंक जोड्दै छैटौं स्थानमा रहेको छ ।

संकटाले पछिल्लो खेलमा मच्छिन्द्रसँग ३-१ को हार बेहोरेको थियो । आर्मी पनि पछिल्लो खेलमा मनाङ मर्स्याङ्दी क्लबसँग इन्ज्युरी समयमा गोल खाँदै १-० ले पराजित भएको थियो ।

दिनकै अर्को खेल एपिएफ र मच्छिन्द्रबीच दशरथ रंगशालामा दिउँसो ३ बजे नै हुनेछ । दुवै टोलीले पछिल्लो ५ मध्य १ खेलमा मात्र हार बेहोरेका छन् । पहिलो लेगमा एपिएफले अर्मान्ड बेडमको गोलको सहयोगमा १-० को जित दर्ता गरेको थियो । हाल अंक तालिकामा मच्छिन्द्र १४ खेलमा २१ अंक जोड्दै पाँचौ स्थानमा छ । एपिएफ १४ खेलमा १९ अंक जोड्दै नवौंमा छ ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

संकटाको रेलिगेसन क्षेत्र छाड्ने प्रयास

Latest News

Popular News

फुटबल

श्री भगवतीको लगातार दोस्रो जित

साफ यू-१९ पुरुष च्याम्पियनसिपको खेल तालिका सार्वजनिक

सिंगापुर र मलेसिया जाने फुटबल टिमको बिदाइ

चर्चित खेलहरु:

उपयोगी लिङ्कहरू

सम्पर्क

सामाजिक संजाल