काठमाडौं (हाम्रो खेलकुद) – थ्री स्टार क्लब र फ्रेन्ड्स क्लबले सहिद स्मारक ‘ए’ डिभिजन लिगमा बराबरी खेल्दै अंक बाँडेका छन् । थ्री स्टार र फ्रेन्ड्सको गोलरहित बराबरी खेल्दै अंक बाँडेका हुन् ।

त्रिपुरेश्वरस्थित दशरथ रंगशालामा शनिबार भएको प्रतिस्पर्धात्मक खेलमा फ्रेन्ड्सले बल पोसेसनमा पकड बनाएपनि तुलनात्मक रुपमा थ्री स्टारले बढी आक्रमण बुनेपनि फिनिस गर्न नसक्दा खेल बराबरीमा सकियो ।

नवौं मिनेटमा विराज महर्जनको क्रसमा महेन्द्र कार्कीको हेडर पोस्ट नजिकैबाट बाहिरियो । २३औं मिनेटमा महेन्द्र कार्कीले दोस्रो बार च्याप्दै गरेको प्रहारलाई फ्रेन्ड्सका गोलरक्षक राजाबाबु थापाले डाइभ दिदै बचाए ।

४१औं मिनेटमा लक्ष्मण रुचालको झन्डै ३५ यार्ड टाढाको फ्रिकिकलाई थ्री स्टारका गोलरक्षक मोहम्मद ताहले पञ्च गर्दै बचाए । ६१औं मिनेटमा कप्तान विक्रम लामाको डि बक्सभित्रको प्रहार फितलो बन्दा गोलरक्षक राजाबाबुले सहजै नियन्त्रणमा लिए ।

७०औं मिनेटमा आदित्य शाक्यले पेनाल्टी बक्सभित्रबाट गरेको प्रहार बाहिरिदा थ्री स्टार अग्रता लिनबाट चुक्यो । त्यसपछि दुवै टोलीबाट थप गोल निस्कन नसक्दा खेल बारबरीमा टुंगियो । यि दुई टोलीले पहिलो राउन्डमा पनि ३–३ गोलको बराबरी खेलेको थियो ।

यस बराबरीसँगै थ्री स्टार तेस्रो स्थानमा यथावत छ । दोस्रो स्थानको जावलाखेल युथ क्लबसँग अंक बराबरी गरेपनि थ्री स्टार हेड टु हेडमा पछि छ । थ्री स्टारको १५ खेलबाट २४ अंक छ । जावलाखेलको पनि समान खेलबाटै २४ अंक छ । फ्रेन्ड्सको १५ खेलबाट १६ अंक छ ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।