1 year ago
May 6, 2023
एजेन्सी – अर्जेन्टिनी फरवार्ड तथा कप्तान लियोनेल मेस्सीले क्लबको अनुमतिविनै साउदी अरबको भ्रमण गर्नु गल्ती रहेको भन्दै माफी मागेका छन् ।
मेस्सीले पेरिस सेन्ट जर्मेन (पिएसजी) को अनुमतिविनै साउदी भ्रमण गरेको भन्दै दुई साताको निलम्वन गरिसकेको छ । क्लबले दुई साताको निलम्वन गरेपछि मेस्सीले क्लब र क्लबका सहयात्रीसँग क्लबको अनुमतिविनै साउदी भ्रमण गर्नु गल्ती रहेको भन्दै माफी मागेको बताइएको छ ।
साउदी भ्रमण लगत्तै गत साताको आइतबार लोरिएन्टसँग ३–१ ले पराजित भएको खेलमा मेस्सीले पुरै समय खेलेपनि आशातित प्रदर्शन गर्न सकेको थिएन ।
मेस्सीले इन्स्टाग्राममा पोस्ट गरेको भिडियोमा भनेका छन्, ‘मैले गरेको कामका लागि म माफी चाहन्छु र क्लबले के निर्णय गर्छ त्यो हेर्न म पर्खिरहेको छु । मैले इमान्दारीपूर्वक सोचे कि हामीले खेल पछिको दिन बिदा लिनेछौं जुन अघिल्लो हप्ताहरूमा भएको थियो । मैले साउदी अरेबियाको यो यात्रा पहिले रद्ध गरिसकेको थिए । तर, यसपटक सकिन ।’
पिएसजीमा मेस्सीको सम्झौता यो सिजनको अन्त्यसँगै सकिदैछ । सम्झौता र सिजनको अन्त्यसँगै मेस्सी पीएसजी छाड्ने तयारी छ । क्लबलाई जरिवानासमेत तिरेका ३५ वर्षीया मेस्सी साउदी अरेबियाका लागि पर्यटन राजदूतको भूमिकामा छन् ।
पीएसजीका प्रशिक्षक क्रिस्टोफ गाल्टिएरले मेस्सीको निलम्बनसँग आफ्नो केही सरोकार नभएको बताएका छन् । लियोको निलम्बनले खराब प्रदर्शनमा थपिएको छ, हामी त्यसलाई लकाउन सक्दैनौं ।’ गाल्टिएरले भने, ‘क्लबको निर्णयमा मेरो कुनै सरोकार थिएन । मलाई निर्णयको बारेमा जानकारी दिइएको थियो । म यो सुखद अवधि हो भन्न सक्दिन ।’
पाँच खेल खेल्न बाँकी रहँदा पिएसजी लिग वानको शीर्ष स्थानमा छ । टोली च्याम्पियन्स लिग र फ्रेन्च कपको अन्तिम १६ बाटै बाहिरिएको छ । लोरिएन्टसँगको हारपछि समर्थकले समेत क्लबको विरोध गरेको थियो ।
क्लबका समर्थकले ब्राजिलियन फरवार्ड नेयमारको घरबाहिर जम्मा भएर उनलाई क्लब छाड्न आग्रह गरेका थिए । ३१ वर्षीय नेयमार वर्षीया घुँडाको चोटका कारण बाँकी कारणले बाहिर छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]