1 year ago
May 5, 2023
एजेन्सी – नेपोली ३३ वर्षपछि इटालियन सिरी ‘ए’ को च्याम्पियन बनेको छ । उडिनेससँग १–१ गोलको बराबरी खेल्दै नेपोली ५ खेल बाँकी छँदै सिरी ‘ए’ को च्याम्पियन बन्न सफल भएको हो ।
दोस्रो स्थानको लाजियोमाथि १६ अंकको अग्रता लिएर नेपोलीले तेस्रो पटक सिरी ए उपाधि जितेको हो । नेपोलीले यसअघिका दुई उपाधि अर्जेन्टिनाका दिग्गज डिएगो म्याराडोनाको समय सन् १९८७ र १९९० मा जितेका थिए । अहिले नेपोलीको स्टेडियमको नाम नै डिएगो अर्मान्डो म्याराडोना राखिएको छ ।
डासिया एरिना उडिनमा बिहीबार राति भएको खेलको १३औं मिनेटमा सान्डी लोभरिकको गोलबाट घरेलु टोली उडिनेसले अग्रता लिएको थियो । ५२औं मिनेटमा भिक्टर ओसिमहेनले गोल गर्दै खेललाई बराबरीमा ल्याएर टोलीलाई च्याम्पियन बनाए ।
यही तीन दशकको अवधिमा नेपोलीले आर्थिक संकटसँगै थुप्रै अवरोह खेपेको थियो । टोली रेलिगेसनमा पर्दै सिरी ‘सी’ समेत खेलेको थियो । नेपोलीले विगत ११ सिजनमा तीन पटक कोपा इटालिया जितेपनि नेपोली समर्थकहरुले सिरी ‘ए’ को उपाधि नै चाहेका थिए । त्यो ३३ वर्षपछि पूरा भएको छ ।
नेपोलीको च्याम्पियन यात्रामा नाइजेरियाका फरवार्ड भिक्टर ओसिमहेन र जर्जियाका विंगर खविचा क्वारात्स्केलियाले दृश्यमा आए । ओसिमहेनले २६ प्रिमियर लिग खेलमा २१ गोल गरेका छन् । खविचाले १२ गोल र १० असिस्ट प्रदान गरेका छन् ।
रोमाबाट दुई पटक कोपा इटालियाको उपाधि जित्ने ६४ वर्षीय प्रशिक्षक लुसियानो स्पालेट्टी सिरी ‘ए’ उपाधि जित्ने सबैभन्दा पाको उमेरका प्रशिक्षक बनेका छन् ।
लुसियानोको टोलीले गत साता नै ६ खेल बाँकी छँदै उपाधि जित्ने मौका पाएपनि सालेरनिटानासँग बराबरी खेलेपछि अर्काे खेल कुर्नुपरेको थियो ।
नेपोली च्याम्पियन बनेसँगै सिरी ‘ए’ ले पछिल्लो तीन सिजनमा तीन फरक च्याम्पियन पाएको छ । युभेन्ट्सले लगातार ९ सिजन सिरी ‘ए’ को उपाधि जितेयता त्यसपछिको तीन सिजनमा इन्टर मिलान, एसी मिलान र नेपोली च्याम्पियन बनेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]