1 year ago
May 3, 2023
काठमाडौं (हाम्रो खेलकुद)–नेपाली खेलाडी सम्मलित ३ अलग अलग क्लबले भारतीय महिला लिग (आइडब्लूएल) मा जित हासिल गरेका छन् ।
नेपाली राष्ट्रिय टोलीकी कप्तान तथा गोलकिपर एन्जिला तुम्बापो सुब्बा सम्मलित सेथु, सरु लिम्बु र रेनुका नगरकोटे सम्मलित किक स्टार एफसी र रेखा पौडेल रहेको स्पोर्टस उडिसाले सफलता हासिल गरेका छन् ।
एन्जिलाको टोलीले लगातार तेस्रो जित हासिल गर्ने क्रममा बुधबार सेल्टिक क्विन्स एफसीलाई ७–१ ले हराएको थियो । अघिल्लो दुई जितमा पहिलो रोजाईमा रहेकी एन्जिलाले तेस्रो खेलमा भने पहिलो रोजाई थिइनन् । लगातारको जितपछि ९ अंकका साथ सेथु समूह बीको शीर्षस्थानमा छ ।
सरुले २ गोल गरेको खेलमा किक स्टार चर्चिल ब्रदर्शलाई १०–० ले हराउँदै समूहको अंक तालिकाको दोस्रो स्थानमा उक्लेको छ । सरुले ३६ औं र ९० औं मिनेटमा टोलीका लागि गोल गरेकी थिइन् । रेनुका भने ६२ औं मिनेटमा मैदान प्रवेश गरेकी थिइन् । ३ खेलमा २ खेलब जितेको किक स्टारको ६ अंक छ ।
त्यसअघि मंगलबार भएको खेलमा रेखाले २ गोल गरेको खेलमा काहानी फुटबल क्लबले ३–० को जित हासिल गरेको थियो । रेखाले ११ औं मिनेटमा गोल गर्दै टोलीको खाता खोलेकी थिइन् । रेखाले ८६ औं मिनेटमा अर्को गोल थपिन् भने निशाले ८७ औं मिनेटमा गोल गरेकी थिइन् । समूह एमा रहेको उडिसा ६ अंकसहित समूह एको तेस्रो स्थानमा उक्लेको छ । ९ अंकसहित सावित्रा भण्डारी सम्बा सम्मलित गोकुलम करेला एफसी समूह एको शीर्षस्थानमा छ ।
बुधबार अर्को खेलमा राष्ट्रिय टोलीकी अनिता बस्नेत सम्मिलित लर्डस् एफसी कोची भने ५–२ ले पराजित भएको छ । अनिताले पहिलो रोजाईमा खेलेकी थिइन् । लर्डस्ले ३ खेलमा १ जित हासिल गरेको छ । टोली समूहको छैटौं स्थानमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]