1 year ago
May 3, 2023
एजेन्सी – नर्वेली मिडफिल्डर मार्टिन ओडेगार्ड चम्कँदा इंग्लिस प्रिमियर लिगको उपाधि होडमा रहेको आर्सनलले लन्डन डर्वीमा चेल्सीलाई पराजित गरेको छ ।
आर्सनलले घरेलु मैदानमा चेल्सीलाई ३–१ ले पराजित गर्दै शीर्षस्थानमा उक्लदै उपाधि जित्ने सम्भावना जीवितै राखेको हो ।इमिरेट्स स्टेडियममा घरेलु टोली आर्सनलको जितमा ओडेगार्डले दुई गोल गर्दा ब्राजिली फरवार्ड गाब्रियल जेससले एक गोल थपे । चेल्सीका नोनी माडुकले एक गोल फर्काए ।
लन्डन डर्वीले आर्सनलले सानदार प्रदर्शन गर्दै ३४ मिनेटभित्र (१६ मिनेटको अन्तरमा) ३–० को आरामदायी अग्रता लिदै जिततर्फ अग्रसर बनेको थियो । दोस्रो हाफमा एक गोल बेहोरेपनि आर्सनललाई पहिलो हाफको गोल नै महत्वपूर्ण ३ अंक बटुल्न पर्याप्त रह्यो ।
खेलको १८औं मिनेटमा ओडेगार्डले गोल गर्दै आर्सनलाई १–० को अग्रता दिलाए । उनले ग्रानिट झाँकाको पासमा गोल गर्न सफल भएका थिए ।
३१औं मिनेटमा झाँकाकै पासमा ओडेडार्डले व्यक्तिगत र टोलीका लागि दोस्रो गोल गर्दै आर्सनलको अग्रता दोब्बर पारे । ३४औं मिनेटमा जेससले गोल गरेपछि आर्सनलले पहिलो हाफमै ३–० को आरामदायी अग्रता लिन सफल भयो ।
६५औ मिनेटमा नोनीले माटियो कोभासिसको पासमा गोल गर्दै खेललाई ३–१ को स्थितिमा ल्याएपनि त्यसपछि थप गोल निस्कन नसक्दा चेल्सीले लगातार छैटौं हार बेहोर्दा आर्सनलले चार खेलपछि जित निकाल्न सफल भएको छ । लिड्सलाई ४–१ ले हराएयता आर्सनलले ३ बराबरी र १ हारको नतिजा निकाल्दा उपाधि होडमा धक्का लाग्न पुगेको थियो ।
११ मार्चमा लेस्टरलाई ३–१ ले पराजित गरेयता ९ खेल खेल्दा चेल्सीले जित निकाल्न सकेको छैन । जसमा २ बराबरी र ७ हारको नतिजा छ । यस्तै अन्तरिम प्रशिक्षक फ्रान्क लाम्पार्डको प्रशिक्षणमा चेल्सीले लगातार छैटौं हार बेहोरेको छ ।
यस जितसँगै शीर्षस्थानमा उक्लिएको आर्सनलको ३४ खेलबाट ७८ अंक पुगेको छ । दुई खेल कम खेलेको म्यानचेस्टर सिटीको ७६ अंक छ । पराजित चेल्सी ३३ खेलबाट ३९ अंक जोडेर १२औं स्थानमा झरेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]