2 years ago
May 2, 2023
काठमाडौं (हाम्रो खेलकुद) – नेपाली राष्ट्रिय महिला फुटबल टोलीकी फरवार्ड सावित्रा भण्डारी साम्बाले गोकुलम करेला एफसीलाई भारतीय महिला लिग (आइडब्लूएल) तेस्रो खेलमा जित दिलाउने क्रममा पनि २ गोल गरेकी छिन् ।
गोकुलमले मंगलबार भएको आफ्नो तेस्रो खेलमा होप्स फुटबल क्लबलाई ३–० ले हराएको छ । सावित्राले खेलमा २ गोल र एसिम रोजा देवीले १ गोल गरेकी थिइन् । एसिमको गोलबाट ३८ औं मिनेटमा गोकुलमले अग्रता लिएको थियो ।
सावित्राले ४९ औं र ६३ औं मिनेटमा गोल गर्दै टोलीको जितलाई निश्चित गरेकी थिइन् । पहिलो गोल उनले हेडमार्फत गरेकी थिइन् ।जारी लिगमा सावित्राको गोल संख्या ११ पुगेको छ ।
गत बुधबार भएको इस्ट बंगाललाई ८–२ ले हराउँदा ५ गोल गरेकी सावित्राले स्पोर्टस उडिसामाथि ८–१ को जितमा ४ गोल गरेकी थिइन् । लिगमा उनी उच्च गोलकर्ताको शीर्षस्थानमा छिन् । दोस्रो स्थानमा रहेकी खेलाडीको ६ गोल छ ।
लगातार तीन जितमा ९ अंकसहित गोकुलम समूह एको शीर्षस्थानमा छ । समूह बीमा राष्ट्रिय टोलीकी कप्तान एवंम् गोलकिपर सम्मिलित सेथु ६ अंकसहित शीर्षस्थानमा रहेको छ । दुई समूहमा समान ८ गरि १६ टोलीले आइडब्लूएलमा प्रतिस्पर्धा गरिरहेका छन् ।
February 24, 2025
काठमाडौं (हाम्रो खेलकुद)- फोर नेसन्स उमन्स इन्टरनेसनल च्याम्पियनसिपको फाइनलका लागि एन्फाले जारी गरेको टेण्डर गर्दा भएको सम्झौता अनुरुप टिकट मुल्यमा दोब्बरले वृद्धि भएको छ। नेपाल र म्यानमार बिच बुधवार हुने फाइनल खेल लागि भिआइपी पाराफिटका लागि २ हजार रुपैयाँ र साधारण पाराफिटका लागि १ हजार रुपैयाँ टिकट दर कायम गरिएको छ। लिगमा भिआइपीतर्फ १ हजार […]
February 24, 2025
काठमाडौं (हाम्रो खेलकुद) – त्रिभुवन आर्मी फुटबल क्लबले केपी ओली कप २०२५ को सेमिफाइनलमा स्थान पक्का गरेको छ । एन्फा कम्पलेक्समा सम्पन्न विभागीय प्रतिस्पर्धामा नेपाल पुलिस क्लबलाई २-० ले पराजित गर्दै आर्मी अन्तिम चारमा प्रवेश गरेको हो । आर्मीको जितमा नवयुग श्रेष्ठ र दिनेश हेन्जनले गोल गरे । नवयुगले खेलको १९ औं मिनेटमा गोल गर्दै […]
February 24, 2025
एजेन्सी – लिगको शीर्ष स्थानमा रहेको बायर्न म्युनिखले जर्मन बुन्डेसलिगामा इन्ट्रयाक्ट फ्रयांकफर्टविरुद्ध सहज जित दर्ता गरेको छ । आइतवार भएको खेलमा बायर्नले फ्रयांकफर्टमाथि ४-० को सहज जित हासिल गरेको हो । घरेलु मैदानमा भएको खेलमा बायर्नको जितमा माइकल ओलिस, हिरोको इतो, जमाल मुसियाला र सर्जी जिनाब्रीले गोल गरे । पहिलो हाफको इन्ज्युरी समयमा ओलिसको गोलमार्फत […]
