2 years ago
May 1, 2023
सुबास हुमागाईं, काठमाडौं
सहिद स्मारक ए डिभिजन लिग २०७९ को पहिलो लेग सकिएको छ । विदेशी खेलाडीले उच्च प्रदर्शनका साथ लगातार प्रभाव जमाइरहँदा यसपटक तथ्यांकमा पनि त्यो देखिएको छ । सर्वाधिक गोलकर्ता सूचिको शीर्ष १० खेलाडीमा मात्र ३ जना नेपाली हुनुले पनि विदेशी खेलाडीको दबदबालाई प्रमाणित गरेको छ ।
हालसम्म ए डिभिजन लिगमा २ सय २१ गोल भएको छ । यसमध्य १ सय १४ गोल नेपाली खेलाडीले गरेका छन् । विदेशी खेलाडीको नाममा १ सय ५ गोल रहेका छन् । लिगमा २ गोल भने आत्मघाती गोल भएको छ । प्रतिशत हेर्दा ५२ प्रतिशत गोल मात्र नेपाली खेलाडीले गरेका छन् । हरेक टोलीले एक समयमा अधिकतम ४ खेलाडी उतार्न पाउने नियम छ ।
ए डिभिजनका १४ मध्य ७ क्लबमा नेपाली भन्दा विदेशी खेलाडीले बढी गोल गरेका छन् । त्रिभुवन आर्मी क्लब विदेशी खेलाडी नराख्ने एकमात्र क्लब । नेपाल एपिएफ क्लबमा कुल १३ गोलमा ७ गोल नेपाली र ६ गोल विदेशी खेलाडीले गरेका छन् । यसै सिजन विदेशी खेलाडी अनुबन्ध गर्न थालेको पुलिसमा ६ गोल विदेशी र ५ गोल नेपाली खेलाडीको नाममा छ ।
सर्वाधिक गोलकर्ता सूचीमा सातदोबाटो युवा क्लबका दीपक राज सिंह ठकुरी, फुटबल क्लब खुमलटारका मेसुके ओलोमोउ र जावलाखेल युवा क्लबका एनकोटो मासोआबीले १०-१० गोल गरेका छन् । मच्छिन्द्रका ओलावाले अफिज र फ्रेन्ड्सका रफिक अमिनुको नाममा ८-८ गोल छ । थ्री स्टारका अजायी मार्टिन्स र जावलाखेलका फोडे फोफानाले ७-७ गोल गरेका छन् । एनआरटीका संजिव विष्टले ६ गोल गर्दा मनाङ मर्स्याङ्दीका कोफी कोउडु र आर्मीका जिलेस्पी जंग कार्कीको ५-५ गोल छ ।
यसपटक आक्रमणमा मात्र होइन, गोलरक्षणमा पनि विदेशी खेलाडीले नै दबदबा कायम गरेका छन् । थ्री स्टारका गोलरक्षक मोहमद ताहाले ८ खेलमा क्लिन सिट राख्दा ६ गोल मात्र खाएका छन् । त्यस्तै चर्च ब्वाइज युनाइटेडका गोलरक्षक एभ्स प्रिसोले ७ गोल खाएका छन् भने ६ खेलमा क्लिन सिट राखेका छन् । त्यसपछि आर्मीका विकेश कुथुले ५ क्लिन सिट राख्दा मच्छिन्द्रका विशाल श्रेष्ठ र जावलाखेलका अनिश देउलाको ४-४ क्लिन सिट रहेको छ ।
असिस्टमा भने नेपाली खेलाडीले दबदबा कायम गरेका छन् । एपिएफका नविन लामा र थ्री स्टारका लाकेन लिम्बुले ४ असिस्ट दिएका छन् । शीर्ष १० मा ३-३ असिस्ट प्रदान गर्नेमा फ्रेन्ड्सका टोरिक जेब्रिन र खुमलटारका स्टेफान समिरबाहेक सबै नेपाली खेलाडी छन् ।
लिगमा १३ खेल सकिँदा मात्र १२ खेलाडीले पूरा समय मैदानमा बिताएका छन् । जसमा ४ जना विदेशी खेलाडी छन् ।
January 5, 2025
काठमाडौं (हाम्रो खेलकुद) – एन्फा महिला फुटबल लिगको विभागीय डर्बीमा आइतवार नेपाल पुलिस क्लब र त्रिभुवन आर्मी क्लब गोल रहित बराबरीमा रोकिएका छन् सातदोबाटोस्थित एन्फाको मैदानमा भएको खेलमा दुवै टोलीले बराबरीमा रोकिएका हुन् । पुलिसकी पुजा रानाले २३औं मिनेटमा गोल गरे पनि रेफ्रिले मान्यता दिएनन् । त्यसैमा विवाद भएपछि करिब २५ मिनेट खेल रोकिएको थियो […]
January 5, 2025
काठमाडौं (हाम्रो खेलकुद) – एन्फा महिला फुटबल लिगमा आज दुई विभागीय नेपाल पुलिस क्लब र त्रिभुवन आर्मी क्लबबीच प्रतिस्पर्धा हुँदैछ। सातदोबाटोस्थित एन्फाको मैदानमा खेल दिउँसो ३ बजे सुरु हुनेछ । अन्तिम चरणको लिगमा पहिलो खेलमा जित हात पारेका दुवै टोली सोहि लयलाई निरन्तरता दिन चाहन्छन् । पहिलो चरणको लिगमा पुलिस र आर्मीले १-१ गोलको बराबरीमा […]
January 5, 2025
एजेन्सी – इंग्लिस प्रिमियर लिगमा म्यान्चेस्टर सिटीले वेस्ट ह्याम युनाईटेडलाई पराजित गरेको छ । सिटीलेघरेलु मैदानमा शनिवार ४-१ को सहज जित हासिल गरेको हो । सिटीको जितमा एर्लिङ हालाण्डले २ तथा फिल फोडेनले १ गोल गरे । अर्को आत्मघाती गोल भयो । वेस्ट ह्यामका निकलेस फोलकुर्कले १ गोल फर्काए । वेस्ट ह्यामका भ्लादिमिर क्याफलको आत्मघाती […]
