2 years ago
April 30, 2023
हिमाल खरेल, भद्रपुर
‘भद्रपुर झापा गोल्डकप युवा फुटबल प्रशिक्षण परियोजना’ अन्तर्गत मेची रंगशालामा भएको छनोट प्रतियोगिताबाट ५३ जना खेलाडी छानिएका छन् ।
भद्रपुर झापा गोल्डकपको आयोजनामा मेची रंगशालामा भद्रपुर नगरपालिकाभित्रका १४ देखि १६ वर्ष उमेर समूहका २ सय ५० जना खेलाडी छनोट प्रतियोगितामा सहभागी थिए ।
फागुनमा सम्पन्न प्रथम भद्रपुर झापा गोल्डकपको सफलतापछि भद्रपुरमा ‘भद्रपुर झापा गोल्डकप युवा फुटबल प्रशिक्षण परियोजना’लाई सार्थकता प्रदान गर्नेक्रममा मेची रंगशालामा छनोटका खेलहरु भएको आयोजक समितिका अध्यक्ष दिपेश ढकालले जानकारी दिए । उनका अनुसार छनोट भएका खेलाडीबीच पुनः प्रतिस्पर्धा गराई तीमध्ये २५ जना खेलाडी छनोट गरी उनीहरूलाई नियमित प्रशिक्षण दिइनेछ ।
त्यस्तै, छनोट खेल बैशाख २३ गते १७–१९ उमेर समूहबीच पनि गराइनेछ भने त्यसबाट पनि पहिलो चरणमा ५० देखि ५५ जना र दोस्रो चरणमा २५ खेलाडी छनोट गरी नियमित प्रशिक्षण गराइने ढकालले बताए । नगरभित्र रहेका तर अवसर नपाइरहेका युवालाई अवसर प्रदान गर्ने र भद्रपुर झापा गोल्डकपको आयोजक टिम तयार गर्ने उद्देश्यले कार्यसमितिको बैठकले नै भद्रपुर झापा गोल्डकप युवा फुटबल प्रशिक्षण परियोजना अभियान सञ्चालन गर्ने निर्णय गरेको थियो ।
झापा जिल्ला फुटबल संघका अध्यक्ष एवम् वष्ठि फुटबल प्रशिक्षक भगिरथ आले ‘मामा’को नेतृत्वमा गम्भीर राई, कर्ण लिम्बू, पूर्णमाया सुब्बा, टेकबहादुर गुरुङ, मदन सुब्बा, भरत गुरुङलगायतको प्राविधिक टोलीले छनोट खेलहरुको सहजीकरण गरिरहेको महासचिव जीवनकुमार श्रेष्ठले जानकारी दिए ।
December 16, 2024
हिमाल खरेल,बिर्तामोड उपाधिको दाबेदार मध्ये त्रिभुवन आर्मी फुटबल क्लब झापाको बिर्तामोडमा जारी प्रथम झापा कपको क्वार्टर फाइनल खेलबाटै बाहिरिएको छ । सिरहाको सलहेश युवा क्लबसँग २-० ले पराजित हुँदै आर्मी खेलबाट बाहिरिएको हो । झापामा हुने प्रतियोगितामा पहिलोपटक सहभागिता जनाएको सलहेश आर्मीलाई पराजित गर्दै सेमिफाइनलमा पुगेको हो । सलहेशको जितमा अभि लामा र आदित्य शाक्यले […]
December 16, 2024
दिपक बोहोरा,पाँचथर पाँचथर गोल्डकपको पाँचौ संस्करण फागुनमा हुने भएको छ । आयोजक पाँचथर क्लबले आइतवार पत्रकार सम्मेलन गर्दै एक विदेशीसहित ८ टोलीको सहभागितामा फिदिम माविको खेलमैदानमा प्रतियोगिता हुने जानकारी दिएको छ। फागुनमा प्रतियोगिता हुने भने पनि मिति भने पछि तय हुने बताइएको छ । सहभागी टोलीको लाग्न केहि समय लाग्ने आयोजक क्लबका अध्यक्ष कमल तुम्रोकले […]
December 16, 2024
एजेन्सी- स्पेनिस ला लिगामा शीर्षस्थानको बार्सिलोनाले अंक दूरी बढाउने मौका चुकाएको छ। बार्सिलोना आइतबार घरेलु मैदानमा लेगानेससँग १-० ले पराजित भएको हो । चौथो मिनेट मै सर्जियो गोन्जालेजले गरेको गोल बार्सिलोनालाई हराउन पर्याप्त बन्यो । अर्को खेलमा एट्लेटिको मड्रिड विजयी हुँदै दोस्रो स्थानमा उक्लिएको छ । घरेलु मैदानमा गेटाफेलाई १-० ले हराउँदै एट्लेटिको रियल म्याड्रिडलाई […]
