2 years ago
April 28, 2023
काठमाडौं (हाम्रो खेलकुद) – मच्छिन्द्र फुटबल क्लबका फरवार्ड चेन्चो ग्याल्सेनले चोटका कारण सहिद स्मारक ए डिभिजन लिग २०७९ को बाँकी खेल गुमाउने भएका छन् ।
भुटानका राष्ट्रिय टोलीका फरवार्ड चेन्चोले बायाँ खुट्टामा चोट लागेपछि सिजन गुमाउने भएका हुन् । बायाँ खुट्टाको पैतालामा रहेको कान्छी औंला नजिकको मेटाटार्सल हड्डी भाँचिएपछि चेन्चोको खुट्टामा प्लास्टर गरिएको छ । थ्री स्टार क्लबविरुद्ध खेलका दौरान उनले चोट बोकेका थिए ।
चेन्चोले कम्तिमा ६ साता प्ल्साटर लगाउनु पर्ने भएको छ । त्यस्तै उनलाई मैदान फर्कन कम्तिमा २ महिना लाग्ने डाक्टरले बताएका छन् । क्लब प्रतिनिधिका अनुसार उनको प्लास्टर विहीबार सम्पन्न भएको र अब सिजन गुमाउने पक्का भएको छ ।
चेन्चोले लिगमा ७ खेल खेल्दै १ गोल र १ असिस्ट दिएका थिए । फ्रेन्ड्सविरुद्ध लिगको पहिलो गोल गरेका उनी खेलको प्लेयर अफ द म्याच समेत बनेका थिए । नेपालमै सम्पन्न थ्री नेसन्स कपपछि उनी मच्छिन्द्रमा अनुबन्धित भएका थिए ।
भुटानका कप्तान चेन्चो अब जुन तेस्रो साता हुने साफ च्याम्पियनसिपमा पनि उपलब्ध हुने वा नहुनेमा दुविधा छ । साफ जुन २१ जुन देखि ३ जुलाईसम्म भारतमा हुँदैछ ।
March 19, 2025
सुशील पन्त क्षेत्री, चितवन फराकिलो जित निकाल्दै एपिएफ फुटबल क्लब चितवनमा जारी राष्ट्रिय महिला फुटबल प्रतियोगिताको फाइनलमा प्रवेश गरेको छ । पहिलो सेमिफाइनलमा आज भरतपुर २४ लाई ११-० ले हराउँदै एपिएफ उपाधि नजिक पुगेको हो । भरतपुर ७ कृष्णपुर मैदानमा भएको खेलमा एपिएफको जितमा अनिता केसी र रश्मिकुमारी घिसिङले समान ४ गोल गरे । प्रीति […]
March 19, 2025
काठमाडौं (हाम्रो खेलकुद) – शहिद स्मारक बी डिभिजन लिगमा बाँसबारी युथ क्लबले रानी पोखरी कर्नर टिम (आरसीटी) लाई रोमाञ्चक खेलमा ४-२ गोल अन्तरले हराएको छ । बाँसबारीको यो पहिलो जित हो भने आरसीटी लगातार दोस्रो हार बेहोर्न पुग्यो । एन्फा कम्प्लेक्समा आज भएको खेलमा बांशबारीले २५ मिनेट भित्र दुई गोल गर्यो । १६ औं मिनेटमा […]
March 19, 2025
काठमाडौं (हाम्रो खेलकुद) – शहिद स्मारक बी डिभिजन लिगमा ब्वाइज युनियन र टुसाल युथ क्लबबीचको खेल गोलरहित बराबरीमा सकिएको छ । दुवैको यो लगातार दोस्रो बराबरी नतिजा हो । एन्फा कम्प्लेक्समा आज भएको खेलमा दुवै टिमले पाएको मौका सदुपयोग गर्न सकेनन् । पहिलो हाफ गोलरहित बराबरीमा सकियो । दोस्रो हाफमा पनि गोल हुन सकेन । […]
