1 year ago
April 23, 2023
एजेन्सी – स्पेनको उमेर समूहबाट खेलिसकेका युवा प्रतिभावान् फरवार्ड लमाइन यमल क्याटलान क्लब बार्सिलोनाको म्याच डे टोलीका स्थान बनाउने सबैभन्दा कान्छो खेलाडी बनेका छन् ।
क्याटलान क्लब बार्सिलोनाका प्रशिक्षक जाभी हर्नान्डेजले आइतबार एट्लेटिको मड्रिडको सामना गर्ने टोलीमा समावेश गरेपछि १५ वर्षीय विंगर फरवार्ड लमाइन यमल बार्सिलोनाको टोलीमा स्थान बनाउने सबैभन्दा कान्छा खेलाडी बनेका हुन् ।
बार्सिलोनानको सिनियर टोलीमा समावेश गरेपछि प्रशिक्षक जाभीले उनलाई ‘निडर’ भनेका छन् । बार्सिलोनाको प्रतिष्ठित ला मासिया एकेडेमीको उत्पादन यमल जुलाईमा १६ वर्षको हुनेछ । उनी क्लबको इतिहासमा सबैभन्दा कान्छो खेलाडी बन्नेछन् ।
‘उनी एक खेलाडी हुन् जसले हामीलाई मद्दत गर्न सक्छन् किनभने उहाँ प्रतिभाशाली हुनुहुन्छ ।’ जाभीले भने, ‘उनीसँग धेरै प्रतिभा छ, उ निकै बलियो छ, उनी क्लबमा इतिहास बनाउने खेलाडी बन्न सक्नेछन् ।
मोरक्कन बुबा र इक्वेटोरियल गिनीका आमा भएका यामलको जन्म १३ जुलाई २००७ मा भएको हो । उनी पाँच वर्षको हुँदादेखि नै बार्सिलोनामा छन् ।
यदि उनले आइतबार खेलेमा उनी १५ वर्ष २८५ दिनको हुनेछन् । अर्मान्ड मार्टिनेज सागी हालको रेकर्ड होल्डर हो । अप्रिल २, १९२२ मा रियल गिजोनविरुद्ध खेल्दा उनी १५ वर्ष ११ महिना र ५ दिनका थिए । बार्सिलोनाका पूर्व युवा उत्पादन जाभीले यमललाई अन्य खेलाडीसँग तुलना गर्न गाह्रो हुने बताएका छन् ।
‘उहाँ जन्मजात प्रतिभा हुनुहुन्छ, नयाँ पुस्ता, मेरो जमानासँगको भिन्नता यो हो कि उनीहरूलाई कुनै डर छैन ।’ जाभीले भने, ‘लामिन फरक छ, उहाँसँग विभिन्न विशेषताहरू छन्, म प्रत्यक्ष तुलना देख्दिन ।’
बार्सिलोना ला लिगाको शीर्ष स्थानमा रहेको रियल म्याड्रिडभन्दा ८ अंकले अगाडि छ, तर बार्सिलोनाले गेटाफे र जिरोनासँग गोलरहित बराबरी खेलेको छ ।
जाभीले नोउ क्याम्पमा एट्लेटिको म्याड्रिडविरुद्धको लिग खेलमा चोट नै बोकेका मिडफिल्डर पेड्री र फ्रान्की डे जोङलाई पनि टोलीमा समावेश गरेको छ ।
२०१२ देखि बार्सिलोनाको एकेडेमीका रहेका लमाइन यमले स्पेनको उमेर समूह यू१५, यू१६, यू१७ र यू१९ बाट प्रतिनिधित्व गरिसकेका छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]