1 year ago
April 22, 2023
एजेन्सी – पोर्चुगिज विंगर फरवार्ड डिएगो जोटा र मोहम्मद सलाहको गोलमा लिभरपुलले इंग्लिस प्रिमियर लिगमा रोमाञ्चक जित निकालेको छ ।
लिभरपुलले घरेलु मैदानमा नटिङहम फरेस्टमाथि ३–२ को रोमाञ्चक जित निकालेको हो । लिभरपुलको जितमा जोटाले दुई तथा मोहम्मद सलाहले एक गोल गरे ।
नटिङहमका निको विलियम्स र मोर्गान गिब्स ह्वाइटले गोल गरे । एनफिल्डमा शनिबार राति भएको खेलमा सबै पाँच गोल दोस्रो हाफमा भएको थियो ।
४७औं मिनेटमा जोटाले गोल गर्दै लिभरपुललाई १–० को अग्रता दिलाए । उनले फाविन्होको पासमा हेडरमार्फत गोल गर्न सफल भए । ५१औं मिनेटमा निको विलियम्सले गोल गर्दै खेललाई १–१ गोलको बराबरीमा ल्याए ।
५५औं मिनेटमा जोटाले व्यक्तिगत र टोलीका लागि दोस्रो गोल गर्दै लिभरपुललाई पुनः खेलमा २–१ को अग्रता दिलाए । जोटाले यसपटक एन्ड्रिउ रोबर्टसनको पासमा गोल गर्न सफल भएका थिए ।
६७औं मिनेटमा मोर्गान गिब्सले गोल गर्दै खेललाई २–२ गोलको बराबरीमा ल्याए । ७०औं मिनेटमा सलाहले ट्रेन्ट एलेक्सान्डर आर्नाेल्डको पासमा गोल गर्दै लिभरपुललाई रोमाञ्चक जित दिलाए ।
यस जितसँगै लिभरपुल ३१ खेलबाट ५० अंक जोडेर सातौं स्थानमा उक्लिएको छ । पराजित नटिङहम ३२ खेलबाट २७ अंक जोडेर १९औं स्थानमा छ ।
अन्य नतिजा
फुलहमविरुद्ध लिड्स (२–१)
ब्रेन्टफर्डविरुद्ध एस्टन भिल्ला (१–१)
क्रिस्टल प्यालेसविरुद्ध एभर्टन (०–०)
लेस्टरविरुद्ध वल्भ्स (२–१)
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]