1 year ago
April 22, 2023
एजेन्सी – अन्तिम समयमा मार्टिन ओडेगार्ड र बुकायो साकाले गोल गरेपछि इंग्लिस प्रिमियर लिगको शीर्षस्थानमा रहेको लन्डन क्लब आर्सनल हारबाट जोगिएको छ ।
सुरुवातमै २–० ले पछि परेको आर्सनलले अन्तिम समयमा दुई गोल गरेपछि साउथह्याम्टनसँग ३–३ गोलको बराबरी खेलेको हो । साउथह्याम्टनका कार्लाेस अल्कारेज, थियो वाल्कोट र डुज कालेटा कारले गोल गरे । घरेलु टोली आर्सनलका गाब्रिएल मार्टिनेली, मार्टिन ओडेगार्ड र बुकायो साकाले बराबरी गाल फर्काए ।
इमिरेट्स स्टेडियम लन्डनमा शुक्रबार राति भएको खेलको चौथो मिनेटमा कार्लाेस अल्कारेजको गोलबाट आर्सनल खेलमा पछि परेको थियो । १४औं मिनेटमा थियो वाल्कोटले आफ्नै पूर्व क्लबविरुद्ध गोल गरेपछि आर्सनल सुरुवातमै २–० ले पछि पर्यो ।
२०औं मिनेटमा गाब्रिएल मार्टिनेलीले गोल गर्दै आर्सनललाई खेलमा फर्काउने संकेत दिदै २–१ को स्थितिमा ल्याए । ६६औं मिनेटमा डुज कालेटाले गोल गरेपछि आर्सनल खेलमा ३–१ ले पछि पर्यो ।
खेलको पछि परेको आर्सनलले खेलको अन्तिम समयतिर लगातार आक्रमण बुन्दै अंक खोस्न सफल भयो । ८८औं मिनेटमा कप्तान ओडेगार्डले बेन ह्वाइटको पासमा गोल गर्दै खेललाई ३–२ को स्थितिमा ल्याए ।
त्यसपछि इन्ज्युरी समयमा साकाले गोल गर्दै टोलीलाई हारबाट जोगाए । इन्ज्युरी समयमै आर्सनलले अर्काे दुई अवसर गुमाउँदा आर्सनल जितबाट वञ्चित बन्यो ।
यसा बराबरीसँगै आर्सनलको उपाधि यात्रामा धक्का लागेको छ । शीर्षस्थानमा रहेको आर्सनलको ३२ खेलबाट ७५ अंक पुगेको छ । दुई खेल कम खेलेको दोस्रो स्थानको सिटीको ७० अंक छ ।
अब सिटीले आफ्नो दुवै खेलमा जित निकाले आर्सनलले शीर्षस्थान गुमाउनेछ । साउथह्याम्टन २४ अंक जोडेर पुछारमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]