काठमाडौं ( हाम्रो खेलकुद) – सहिद स्मारक ए डिभिजन लिगमा शुक्रबार दुई विभागीय टोली त्रिभुवन आर्मी फुटबल क्लब र नेपाल पुलिस क्लबले अंक बाँडेका छन्।

सातदाेबाटाेस्थित एन्फा कम्प्लेक्सको‌ मैदानमा भएको विभागीय डर्बी गोलरहित बराबरीमा सकिएको थियो
। दुबै टोलीले गोलका केहि अवसर सृजना गरेपनि गोलको खाता खोल्न सकेन ।

बराबरीपछि पाँचौं स्थानको आर्मीको १६ अंक पुगेको छ। टोलीले ११ खेलमा ४ जित ४ बराबरी र ३ हार बेहोरेको छ। ११ खेलमा १ मात्र जित निकालेको पुलिस ३ बराबरी र ७ हारसहित ६ अंकका साथ तालिकाको पुछारमा छ।

एनआरटीको‌ जित
न्यूरोड टिम एनआरटीले शुक्रबार सहिद स्मारक ए डिभिजन लिगमा विजय प्राप्त गरेको छ ।

च्यासल फुटबल मैदानमा भएको खेलमा एनआरटीले एपिएफ फुटबल क्लबलाई १-० ले हराएको हो ।
सन्जिव विष्टको गोल खेलमा निर्णायक बनेको‌ थियो । खेलको ७९ औं मिनेटमा सन्जिवले गोल गरेका थिए

जारी लिगमा एनआरटीको यो तेस्रो जित हो । ११ खेलमा १३ अंक जोडेको एनआरटी १० औं स्थानमा छ । विभागिय टोली एपिएफको यो लिगमा पाँचौं हार हो । आठौं स्थानमा रहेको एपिएफको १४ अंक छ ।

दुबै मैदानमा दोस्रो हाफको खेल चलिरहँदा हुरीबतास आएपछि झन्डै ४५ मिनेट खेल रोकिएको थियो।