2 years ago
April 13, 2023
कैलाली (हाम्रो खेलकुद) – नवलपरासीको फोर ब्रदर्श एफसीले तेस्रो जग शक्ति गोल्ड टिएमटी तेस्रो सुदूरपश्चिम गौरीगंगा गोल्डकप फुटबल प्रतियोगिताको उपाधि जितेको छ ।
बिहीबार भएको फाइनलमा कैलालीको स्टार सिटी युवा क्लबलाई टाईब्रेकरमा ५–४ ले हराउँदै फोर ब्रदर्श एफसी च्याम्पियन बनेको हो । निर्धारित समय दुवै टोलीले एक एक गोलको बराबरी खेलेका थिए ।
टाईब्रेकरमा फोर ब्रदर्शका सुदीप केसी, आशिष ज्ञवाली, मिसन दर्लामी, मनोज श्रेष्ठ र हरि बुढामगरले गोल गरे । स्टार सिटीका युवराज ढकाल, माधव भण्डारी, कुशल देउवा, किरण बोहराले गोल गरे । विक्रम लामाको प्रहार भने गोलमा परिणत हुन सकेन ।
त्यसअघि दोस्रो हाफको ७२औं मिनेटमा कमल देउवाले गोल गर्दै स्टार सिटीलाई अग्रता दिलाए । ८७औं मिनेटमा दामोदर थापाले गोल गर्दै खेललाई १–१ गोलको बराबरीमा ल्याउँदै खेललाई अतिरिक्त समयमा लम्ब्याए ।
उपाधिसँगै फोर ब्रदर्शले ट्रफीसहित नगद ४ लाख प्राप्त गरेको छ । उपविजेता स्टार सिटीले ट्रफी सहित नगद २ लाखमा चित्त बुझाएको छ ।
कैलालीको गौरीगंगा–११ स्पोर्ट्स क्लबले आयोजना गरेको प्रतियोगिताको सर्वोकृष्ट खेलाडी फोर ब्रदर्श दामोदर थापा भए । उनले नगद ५० हजार प्राप्त गरे ।
यस्तै सर्वाधिक गोलकर्ता फोर ब्रदर्शका विनोद केवट, उत्कृष्ट गोलरक्षक फोर ब्रदर्शका हरि बुढा मगर, उत्कृष्ट प्रशिक्षक फोर ब्रदर्शका धर्मराज भुसाल, उत्कृष्ट रक्षक स्टार सिटीका विष्णु चौधरी, उदयमान खेलाडी गौरीगंगा—११ स्पोर्टस क्लबका नीराजन धामी भए । उनीहरूले जनही नगद १० हजार प्राप्त गरे ।
प्रतियोगिताका विजयी खेलाडीहरूलाई सुदूरपश्चिम प्रदेशका मुख्यमन्त्री कमल बहादुर शाह, गौरीगंगा नगरपालिकाका नगर प्रमुख तथा उपप्रमुखलगायतले पुरस्कृत गरे । चैत २१ गतेदेखि सुरु भएको प्रतियोगितामा १० टोलीले सहभागिता जनाएका थिए ।
December 21, 2024
दिपक बोहोरा, पाँचथरआयोजक फिदिम स्पोर्टिङ क्लबले ११ औं फाल्गुनन्द गोल्ड कप फुटबल प्रतियोगितामा विजयी सुरुवात गरेको छ । फिदिम माविको मैदानमा शनिवार भारतको खर्साङ फुटबल क्लब भारत लाई पेनाल्टी सुटआउटमा ५-४ ले पराजित गर्दै फिदिम क्वाटरफाइनलमा पुगेको छ। निर्धारित समय गोलरहित सकिएपछि टाइब्रेकरमा आयोजक टोलीले बाजी मार्यो । टाइब्रेकरमा फिदिमका आशिष चापागाई,विशाल दर्जी,शुकराज राई र […]
December 21, 2024
हिमाल खरेल,बिर्तामोडन्यु रोड टिम (एनआरटी) झापाको बिर्तामोडमा आयोजना भएको झापा कपको फाइनलमा प्रवेश गरेको छ । जितसँगै एनआरटीले लिग विजेता चर्च ब्वाइज युनाइटेडसँगको भेट पक्का गरेको छ । एनआरटीले शनिवार इटहरीको राष्ट्रिय जागृति क्लबलाई टाइब्रेकरमा ३–० ले हराउँदै फाइनलमा स्थान सुरक्षित गरेको हो । खेलको ९० मिनेट गोलरहित बराबरी भएपछि खेलको निर्णय टाइब्रेकरबाट भएको थियो […]
December 21, 2024
दिपक बोहोरा, पाँचथरफाल्गुनन्द गोल्डकप फुटबल प्रतियोगिताको ११ औं संस्करण आज सुरु हुँदैछ । ६ वर्ष पछि हुन लागेको फाल्गुनन्द गोल्डकप प्रतियोगिताको उद्घाटन खेलमा आयोजक फिदिम स्पोर्टिङ क्लब र भारतको खर्साङ फुटबल क्लबबीच प्रतिस्पर्धा हुने छ । खेल फिदिम माविकाे मैदानमा दिउँसाे १ बजेबाट सुरु हुने छ । १० टोलीले सभागिता रहेको प्रतियोगितामा आइतवार मच्छिन्द्र एफसी […]
