काठमाडौं, असोज ३ गते ।
नेपाल यु-१६ फूटबल टिमले आज एफसी कपको छनोत चरणको अन्तिम खेल ओमान बिरुद्ध खेल्दै छ । नेपालले यस अघिको दुई खेलमा जोर्डनलाई २-१ र आयोजक किर्गिस्तानलाई ४-२ ले हराएको थियो ।

यस समुह बि मा नेपाल ६ अकंले पहिलो स्थानमा छ र आज ड्र मात्र गरेको खण्डमा पनि नेपाल भारतमा हुने फाइनल चराणको लागि छनोट हुनेछ । नेपाल अगिल्लो चोटी पनि समुह चरणमा बिजेता हुँदै अर्को चरणमा प्रवेश गरेको थियो । नेपाल यो भन्दा अगाडी ३ चोटी छनोट भएको थियो तर आजको खेल नेपालले जितेमा तीनै खेल जितेको भनेको यो पहिलो पल्ट हुने छ ।

यो समुह निकै कठिन मनिएको समुह थोयो, नेपाललाई नै सबै भन्दा कमजोर आकिएको थियो । नेपालले पहिलो खेल मा नै जोर्डनलाई स्तब्ध बनाउदै २-१ को नतिजा निकल्यो भने दोस्रो खेल मा बलियो आयोजक सँग पहिलो हाल्फमा गोल पछी परे पनि दोस्रो हल्फ मा ४ गोल हन्दै पुनरागमन गर्‍यो ।

खेल भन्दा अगाडी कोच उपेन्द्र मान सिंह ले भने,” २ खेल जितेको भएर खेलाडीहरुको मनोबल उच्च छ । तर हामी अलिकति शतर्क भएर खेल्नु पर्छ । हामी आफ्नो नर्मल खेल खेल्ने छौं । ओमान राम्रो टिम हो तर हामी सवै खेल जितेर दोस्रो चरणमा छनोट हुन चाहान्छौ ।”

खेल नेपाली समय २ :४५ मा सुरु हुने छ ।