पोखरा (हाम्रो खेलकुद) – पोखराको सहारा क्लबले आयोजना गर्ने आहा रारा गोल्डकप फुटबल प्रतियोगिता तयारी अन्तिम चरणमा पुगेको छ । पश्चिमाञ्चल क्षेत्रकै प्रतिष्ठित आहा रारा गोल्ड कपको १५ औं संस्करण माघको ४ गतेदेखि १५ गते सम्म पोखरा रंगशालामा सञ्चालन हुदैछ ।

‘प्रतियोगितामा सहभागि हुने १२ टिमको अबको केहि दिनमा लगभग पक्का हुदैछ, यसपाली पनि हामीले विदेशी टिम ल्याउने तयारी गरेका छौं, साहरा क्लबका अध्यक्ष वीरभद्र आचार्यले भने, ‘त्यसैगरी आन्तरीक रुपमा खेल मैदान मर्मत सम्हार तथा रंगरोगन लगायतको काम तिव्र गतिमा हुदैछ ।’

मैदान व्यवस्थापन उपसमितिका संयोजक रामजी कार्कीका अनुसार यही पुसको पहिलो हप्तादेखि रंगशालाको फुटवल मैदानमा पानी हाल्दै मल राखेर दुवो उमार्ने काम भएको बताएका छन् । मैदान वरपरसरसफाई देखि प्यारापिटमा मर्मत रंगरोगनको काम सुरु भएको छ । क्लबले यसपटक अस्थायी कृतिम स्काइ फोण्डीङ (फलामको अस्थायी प्यारापिट ) निमार्ण गर्ने भएको छ भने मैदान वरिपरी टिनले वार्ने भएको छ ।

रंगशलामा केहि बर्ष अघि खानेपानी वोरीङ संचालन भए पनि त्यसलाई समयमै मर्मत हुन नसक्दा पानी किनेर पोखरा रंगशालामा प्रयोग गर्नुपर्ने बाध्यकारी अबस्था रहेको छ । खेलकूदको विकासमा सहकार्य गरौं पोखरालाई खेलकुद पर्यटन शहरको रुपमा स्थापित गरौं भन्ने नारा सहित आयोजना हुने उक्त प्रतियोगितालाई हिमश्री फुडस प्रा.लि.को उत्पादन आहा तथा रारा चाउचाउको मुख्य प्रायोजन,माईक्रो म्याक्स मोबाईलको उप–प्रायोजन रहेको छ ।

वेष्ट अफ फाईभ प्रायोजन पृथ्वी राजमार्ग बस संञ्चालक समिति पोखरा , अफिसियल वाटर ईको पानी अफिसियल एयर लाईन्स बुद्ध एयर,सर्वोकृष्ट खेलाडी पुरस्कार हिरो डयास स्कुटर,याटस एल.जि.टि.भी.को सहयोग,पोखरा उपमहानगर पालिकाको संयोजन,राष्ट्रिय खेलकुद विकास समिति,अखिल नेपाल फुटबल संघ,पश्चिमाञ्चल क्षेत्रीय खेलकुद विकास समिति÷जिल्ला खेलकुद विकास समिति कास्की÷एन्फा,कास्की/ सहारा यु.के./सहारा हङ्गकङ्ग /सहारा क्लब अष्ट्रेलिया समेतको बिशेष सहयोगमा उक्त प्रतियोगिता संञ्चालन हुने भएको महासचिव केशवराज बरालले बताए ।

प्रतियोगिताबाट बचत हुन आउने रकम क्लबद्धारा संञ्चालित कठिन परिस्थिति एवँ विपन्न वर्गका बालकहरु सम्मिलित १६ जिल्लाका २८ जना बालकहरुलाई निशुल्क शिक्षा दिक्षा, स्वास्थ्य, फुटबल प्रशिक्षण लगायत भरणपोषणमा खर्च गरिने बरालले जनाए ।