काठमाडौं (हाम्रो खेलकुद) – अखिल नेपाल फुटबल संघ (एन्फा) ले साफ यू–१७ महिला च्याम्पियनसिपका लागि बंगलादेश जाने नेपाली युवा टोलीलाई बिदाई गरेको छ ।

एन्फाले एक कार्यक्रम गर्दै सातदोबाटोस्थित एन्फा कम्प्लेक्समा बिदाई भएको हो । नेपाली यू१७ टोलीलाई एन्फाका कार्यवाहक अध्यक्ष तथा वरिष्ठ उपाध्यक्ष वीरबहादुर खड्का, कार्यवाहक महासचिव तथा सहायक महासचिव दामोदर भट्टराई (बद्री), सदस्य तथा महिला समितिकी संयोजक सरिला श्रेष्ठ मलेकु, सदस्य मनिष जोशी, प्रवक्ता सुरेश शाहलगायतले सफलताको शुभकामनासहित बिदाई गरे ।

यू–१७ च्याम्पियनसिपमा नेपाल, बंगलादेश, भुटान, भारत र रुसको सहभागिता रहेको छ । नेपालले प्रतियोगिताको उद्घाटन खेलमा मार्च २० मा भारतसँग खेल्नेछ भने दुई दिनपछि भुटानसँग खेल्नेछ । २६ मार्चमा रसियासँग तथा २८ मार्चमा आयोजक बंगलादेशसँग खेल्ने छ । सिंगल राउण्ड रोबिनपछि शीर्षस्थानमा रहने टोली च्याम्पियन बन्नेछ ।

नेपाली अन्तिम टोली
गोलकिपरः सुजाता तामाङ, राधिका ओली र करुण बुढाथोकी
डिफेन्डरः अञ्जना पुन मगर, प्रेरणा डोल्मा लामा, सीता रोकाया, अमिता भुल, सिमरन राई, विपना स्नेही र रेणु लिम्बु चाबेगु
मिडफिल्डरः माया मास्के, दीपा मगर, सुशीला केसी, झुमा विश्वकर्मा, सुक्रिया मिया, भावना परियार र पुनम चेम्जोङ
फरवार्डः दीपा रोकाया, वर्षा ओली र सेनु परियार