2 years ago
March 14, 2023
काठमाडौं (हाम्रो खेलकुद) – शहिद स्मारक ए डिभिजन लिग अन्तर्गत संकटा क्लब र चर्च ब्वाइज युनाइटेड क्लबले बराबरी खेलेका छन् । एन्फा कम्प्लेक्सको मैदानमा सम्पन्न खेलमा मनिष डाँगीले इन्ज्युरी समयमा प्रहार गरेको पेनाल्टी गोलरक्षक एभ्स प्रिसोले जोगाउँदा खेल गोलरहित बराबरीमा सकिएको हो ।
१६ औं मिनेटमा चर्च ब्वाइजका प्रशान्त लक्षमले पेनाल्टी क्षेत्र भित्रबाट गरेको प्रहार पोस्टको भित्रि भागमा लाग्दै फर्कियो । लगत्तै अर्कोतर्फ जुनिअर एन्गुनेको प्रहार क्रसबारमा लागेर बाहिरिंदा संकटा अघि बढ्नबाट बन्चित भयो ।
१८ औं मिनेटमा चर्च ब्वाइजले अग्रता लिने सुवर्ण अवसर गुमायो । अन्जनले पेनाल्टी क्षेत्र भित्रबाट खेलेको पासलाई आशिष चापागाईंले नियन्त्रणमा लिँदै प्रहार गरेका थिए । तर वन भर्सेस वनको स्थितिमा संकटाका लागि डेब्यु गरिरहेका गोलरक्षक विष्णु कुमार केसीले उत्कृष्ट बचाउ गर्दै खेल गोलरहित बराबरीमा राखे ।
४३ औं मिनेटमा कर्नरमा क्लियर हुन नसकेको बलमा बियिक बियिकले गरेको प्रहार एरिक विष्टले गोललाइन अगाडिबाट क्लियर गर्दै संकटालाई अग्रता लिन दिएनन् ।
दोस्रो हाफको मध्यतिर संकटाको अग्रता लिने प्रयासमा मनोज राई बाधक बने । इन्ज्युरी समयमा दुवै टोलीले अग्रता लिने अवसर गुमाए । मिलन राईको क्रसमा अन्जन विष्टको हेडर सिधै गोलरक्षक विष्णुको हातमा पुग्यो । लगत्तै अर्कोतर्फ जुनिअर एन्गुनेले वन भर्सेस वनको अवस्थामा गोलरक्षक एभ्स प्रिसोलाई बिट गर्न सकेनन् ।
इन्ज्युरी समयमा संकटाले पेनाल्टीको अवसर पायो । कमल श्रेष्ठले क्रस रोक्ने क्रममा हात प्रयोग गरेको भन्दै रेफ्री प्रज्वल क्षेत्रीले पेनाल्टीको निर्णय दिए । मनिष डाँगीको पेनाल्टी गोलरक्षक प्रिसोले विफल पारे । लगत्तै रिबाउन्डमा गरेको प्रहार बाहिरिंदा खेल बराबरी भएको हो ।
यस नतिजासँगै चर्च ब्वाइज अपराजित यात्रा कायम राख्दै शीर्षस्थानमा यथावत छ । चर्च ब्वाइजको ४ खेलमा १० अंक छ । संकटा ४ खेलमा ५ अंकका साथ आठौँ स्थानमा छ ।
March 23, 2025
सुमन अधिकारी, बुटवल सहिद स्मारक ए डिभिजन लिग विजेता चर्च ब्वाइज युनाइटेड बुटवलमा जारी तिलोत्तमा गोल्डकप फुटबल प्रतियोगिताको सेमिफाइनल पुगेको छ। नेपाल पुलिस क्लबललाई आज टाइब्रेकरमा ४-३ ले हराउँदै चर्च ब्वाइज अन्तिम चारमा पुगेको हो। बुटवलमा जारी २३ औ तिलोत्तमा गोल्डकपको पहिलो खेलमा पराजित भएको छ । आईतवार भएको खेलमा लिग विजेता चर्च व्वाईजले पुलिसलाई […]
March 23, 2025
सुमन अधिकारी, बुटवल एपिएफ फुटबल क्लब बुटवलमा जारी २३ औ तिलोत्तमा गोल्ड कपको सेमिफाइनलमा प्रवेश गरेको छ । आयोजक रुपन्देही ११ लाई आइतवार १-० ले हराउँदै एपिएफ अन्तिम चारमा पुगेको हो । हिजो खेल स्थगित हुँदा लिएको १-० को अग्रतालाई जोगाउन एपिएफ सफल रह्यो। शनिवार हावाहुरीका कारण दोस्रो हाफ हुन सकेन । आज रोकिएकै अवस्थाबाौ […]
March 22, 2025
सुशील पन्त क्षेत्री, चितवन एपिएफ एससीले चितवनमा राष्ट्रिय महिला फुटबल प्रतियोगिताको उपाधि जितेको छ । भरतपुरको कृष्णपुरको मैदानमा भएको फाइनलमा त्रिभुवन आर्मी फुटबल क्लबलाई टाइब्रेकरमा ४-२ ले हराउँदै एपिएफ च्याम्पियन बनेको हो । निर्धारित ८० मिनेटको खेल १-१ को बराबरीमा टुंगिएपछि खेलको निर्णय टाइब्रेकरमा भएको थियो। प्रतिस्पर्धात्मक खेलमा एपिएफले उत्कृष्ट पुनरागमन जित निकाल्यो । खेलमा […]
