दिपक न्यौपाने, बुटवल

तिलोत्तमा गोल्डक फुटबल प्रतियोगिता चार वर्षपछि यसपटक आयोजना हुने भएको छ । रुपन्देही जिल्ला फुटबल संघको आयोजनामा चैत ४ गतेदेखि देबिनगरस्थित एन्फा टेक्निकल सेन्टरमा तिलोत्तममा गोल्डकप सुरु हुने बुधबार पत्रकार सम्मेलनमा जानकारी गराइयो ।

प्रतियोगितामा घरेलु टोली करेन्ट रुपन्देही ११, मनाङ मस्र्याङ््दी क्लब, थ्रीस्टार क्लब , नेपाल पुलिस क्लब ,एपिएफ,हिमालयन शेर्पा क्लब , फेन्ड्स क्लब र सुदूर पश्चिम ११ गरी ८ टोलीको सहभागीता रहेनेछ । तिनाउ नदिलाई धेरै अघिबाट तिलोत्तमा नदिको नामबाट परिचित रहदै आएको त्यसैको नाममा गोल्ड कप आयोजना भएको अखिल नेपाल फुटबल सघं (एन्फा) का केन्द्रिय उपाध्यक्ष दीर्घबहादुर केसी (कुमार) ले स्मरण गरे ।

रुपन्देही जिल्ला फुटबल सघका पूर्व अध्यक्ष समेत रहेका केसीले भने, ‘लुम्बिनी पदेशको फुटबल भबिष्यका रुपमा रहेको गोल्डकप नियमित रुपमा सञ्चालन गर्न सके यसले आर्थिक गतिविधिलाई पनि चलायमान बनाउन सहज हुन्छ । यसका लागि स्थानिय सरकार र जिल्लाबासीले गौरवको प्रतियोगिताका रुपमा सोच्नुपर्छ ।’

जिल्ला फुटबल सघं रुपन्देहीका अध्यक्ष लोक पुनले प्रतियोबगिता नियमित गर्न नसक्नु दुखद भएको जनाउँदै तिलोत्तमाको पूर्नजीवनका लागि पहल गरेको बताएका छन् । प्रतियोगिता सन्चालनमा झन्डै एक करोड खर्च हुने अनुमान गरिएको छ ।विगतमा भन्दा यसपटक पुरस्कार राशीमा पनि बृद्धि गरिएको छ । यसपटक विजेताले ११ लाख ११ हजार ए सय ११ रुपैयाँ तथा दोस्रो हुने टोलीले ५ लाख ५५ हजार ५ सय ५५ रुपैयाँ प्राप्त गर्नेछन् ।