2 years ago
February 18, 2023
काठमाडौं (हाम्रो खेलकुद) – नेपाली महिला राष्ट्रिय फुटबल टोलीले भारतविरुद्ध आज (शनिबार) दोस्रो तथा अन्तिम अन्तर्राष्ट्रिय मैत्रीपूर्ण खेलमा प्रतिस्पर्धा गर्दैछ ।
यो खेल भारतको चेन्नईस्थित जवहरलाल नेहरू स्टेडियममा नेपाली समयअनुसार राति ७:४५ बजे हुनेछ । गत बुधबार भएको पहिलो अन्तर्राष्ट्रिय मैत्रीपूर्णमा नेपालले भारतलाई बराबरीमा रोकेको थियो । दुई गोलले पछि पर्नुका बाबजुद गोल मेसिन सावित्रा भण्डारी ‘साम्वा’ ले अन्त्यतिर दुई मिनेटको अन्तरमा दुई गोल गर्दै नेपालको हार टारिन् ।
नेपाल उक्त खेलको कमजोरीलाई बिर्सेर सकारात्मक जित हासिल गर्न चाहन्छ । नेपाल यो खेलसँगै पछिल्लो दुई खेलमा भारतसँग अपराजित रहेको छ । नेपालले पछिल्लोपटक गत भदौंमा नेपालमै भएको साफको सेमिफाइनलमा भारतलाई १–० ले पराजित गरेको थियो ।
तर, टोलीलाई मुख्य डिफेन्डर गीता रानाको अभाव हुनेछ । चोटका कारण गीता टोलीमा हुने छैनन् । चोट बोकेपछि गीताले दोस्रो हाफमा मैदान छाडेकी थिइन् । उनको स्थानमा विमला विक खेल्ने सम्भावना छ ।
प्रशिक्षक अनन्तराज थापाले कप्तानमा गोलरक्षक एन्जिला तुम्बाप्पो सुब्बा र अन्जना राना मगरमध्य एकलाई खेलाउन सक्छिन् । डिफेन्समा विमलासँगै हिरा कुमारी भुजेल र अमृता जैशी रहनेछिन् ।
मिडफिल्डमा सरु लिम्बु, दिपा शाही, अनिता बस्नेत, प्रिती राई र अनिता केसी रहने सम्भावना रहँदा अग्रपंक्ति सावित्राले सम्हाल्नेछिन् । उनलाई अमिषा कार्की र रश्मी कुमारी घिसिङले साथ दिने सम्भावना छ ।
यता, अन्तिम समयमा सम्हालिन नसक्दा बराबरीमा रोकिन पुगेको घरेलु टोली भारत यसपटक त्यो गल्तीलाई सुधारेर जितको लक्ष्यमा मैदान उत्रनेछ । दुई गोलको अग्रता लिएपनि भारतले अन्तिम दुई मिनेटमा दुई गोल खाँदै जितबाट वञ्चित बनेको थियो ।
नेपाल र भारत दुवैले महिला ओलम्पिक छनोटको पहिलो राउन्डको खेलको तयारी स्वरुप मैत्रीपूर्ण खेल खेल्न लागेको हो ।
छनोटको पहिलो राउन्डमा नेपाल समूह ‘सी’ मा रहेको छ । नेपाल रहेको समूहमा भिएतनाम, प्यालेस्टाइन र अफगानिस्तान रहेको छ । भारत रहेको समूह ‘जी’ मा तुर्कमिनिस्तान र किर्गिस्तान रहेको ओलम्पिक क्वालिफायर अप्रिलमा हुँदैछ ।
नेपाल र भारत हालसम्म १२ पटक आमाने–सामाने भएका छन् । जसमा भारत ८ खेलमा विजयी हुँदा नेपालले १ खेल जितेको छ । ३ खेल बराबरीमा सकिएको छ ।
महिला राष्ट्रिय फुटबल टोली
गोलरक्षक (३) – एन्जिला तुम्बापो सुब्बा, अन्जना राना मगर र उषा नाथ
डिफेन्डर (७) – हिरा कुमारी भुजेल, घिम कुमारी गुरुङ, अमृता जैशी, गीता राना, निशा थोकर, विमला विक र समिक्षा घिमिरे
मिडफिल्डर (८) – विमला चौधरी, सविता राना मगर, सरु लिम्बु, दिपा शाही, रेनुका नगरकोटी, अनिता बस्नेत, प्रिती राई र अनिता केसी
फरवार्ड (५) – अमिषा कार्की, रेखा पौडेल, सावित्रा भण्डारी, रश्मी कुमारी घिसिङ, निर्मला विक
January 15, 2025
हिमाल खरेल,बिर्तामोड झापा गोल्ड कप कार्यसमितिको सबै पदमा सर्वसम्मत भएको छ । आज बिहान सहजकर्ताहरुबीच भएको छलफलपछि बाँकी पदमा पनि सर्वसम्मत भएको हो । कोषाध्यक्षमा युवराज निरौलाले उम्मेदवारी फिर्ता लिएपछि चन्द्रमणि कट्टेल सर्वसम्मत भएका छन् । त्यस्तै, सहसचिवमा यादव पोखरेलले उम्मेदवारी फिर्ता लिएपछि विष्णु सिग्देल सर्वसम्मत भएका छन् । त्यस्तै, सदस्यहरुमा श्याम श्रीवास्तव, किरण थापा, […]
January 15, 2025
एजेन्सी – म्यानचेस्टर सिटीले २-० को अग्रता जोगाउन नसक्दा इंग्लिस प्रिमियर लिगमा मंगलवार अंक बाढेको छ। अन्तिम १० मिनेटमा दुई गोल फर्काउँदै ब्रेन्टफोर्डले सिटीलाई २-२ को बराबरीमा रोकेको हो । सिटीका लागि दुवै गोल फिल फोडेनले गरे। पहिलो गोल ६६ औं मिनेटमा गरेका फोडेनले अर्को ७८ औं मिनेटमा गरे। ब्रेन्टफोर्डका योआने विसाको ८२ औं मिनेटमा […]
January 15, 2025
एजेन्सी – इंग्लिस प्रिमियर लिगको शीर्ष स्थानको लिभरपुलले नटिङघम फरेस्टसँग बराबरीमा खेलेको छ। अंक तालिकाको दोस्रो स्थानमा रहेको नटिङघम मंगलवार लिभरपुलसँग १–१ को बराबरीमा रोकको हो। नटिङघमले खेलमा लिएको अग्रता जोगाउन सकेन। आठौं मिनेटमा क्रिस उडको गोलबाट नटिङघमले अग्रता लियो । लिभरपुलका लागि डिएगो जोटाले ६६ औं मिनेटमा बराबरी गोल फर्काए । यो नतिजापछि शीर्षमा लिभरपुलको छ […]