8 years ago
December 30, 2016
समूह ‘बी’ बाट भारत र बंगलादेश अन्तिम चारमा पुगिसकेका छन्
दिपेश तिमल्सिना
सिलगुढी (भारत)– महिला साफ च्याम्पियनसिप फुटबलमा नेपाल रहेको समूह ‘ए’ बाट माल्दिभ्स उपविजेताका रुपमा सेमिफाइनल प्रवेश गरेको छ । भारतको सिलगुढीमा जारी च्याम्पिनसिपमा भुटानलाई ३–१ ले हराउँदै माल्दिभ्सले अन्तिम चारको यात्रा तय गरेको हो ।
माल्दिभ्सको जितमा फाधुवा जाहिरले २ र आमिनाथ समिलाले १ गोल गरिन् । भुटानका लागि टंकमाया घलेले गोल फर्काएकी थिइन् । फाधुवाले १८ औं मिनेटमा र आमिनाले ३६ औं मिनेटमा गोल गरेकी थिइन् । खेल सकिन ९ मिनेट बाँकी रहँदा टंकमायाले भुटानका लागि गोल फर्काइन् । इन्जुरी समयको दोस्रो मिनेटमा फाधुवाले गोल थपिन् र माल्दिभ्सको जित पक्का पारिन् ।
नेपाल समूहका सबै तीन खेल जितेर विजेता बनेको थियो भने माल्दिभ्सले तीन मध्ये दुई खेल जितेको छ । नेपालको ९ अंक र माल्दिभ्सको ६ अंक छ भने च्याम्पियनसिपबाट बाहिरिएका श्रीलंकाको ३ र भुटान अंक विहिन रहेको छ । माल्दिभ्सको जितसँगै सेमिफाइनल समिकरण पुरा भएको छ ।
समूह ‘बी’ बाट आयोजक भारत र बंगलादेश सेमिफाइनल पुगिसकेका छन् । तीन टोली रहेको समूहमा भारत र बंगलादेश दुवै अफगानिस्तानलाई हराएर अन्तिम चारको यात्रा तय गरिसकेका छन् । अब शनिबार हुने समूह चरणको अन्तिम खेलले समूह ‘बी’ को विजेताको टुंगो लगाउने छ ।
नेपालले सेमिफाइनलमा शनिबारको खेलमा पराजित हुने टोलीको सामना गर्नेछ । त्यस्तै शनिबारको खेल जुन टोलीले जित्ने त्यसले माल्दिभ्सको सामना गर्नेछ । पछिल्ला तीन संस्करणमा उपविजेता रहेको नेपाल सबै फाइनलमा भारतसँग पराजित भएको थियो ।
April 4, 2025
काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]
April 4, 2025
सुबास हुमागाईं, काठमाडौं नेपाल सुपर लिग (एनएसएल) को खेलाडी अक्सनमा सहभागी टिमहरुले गोलरक्षक अनुबन्धनमा खासै इच्छा देखाएनन् । यहाँसम्मकी अक्सन हुने समयमा राष्ट्रिय टोलीमा रहेका तीनै गोलरक्षक एक समय अनसोल्ड समेत रहे । तर एनएसएलको सुरुवाती ६ खेल हेर्दा विदेशी गोलरक्षक खेलाउने टोलीको निर्णयले टोलीलाई खासै फाइदा गरेको देखिदैन । बरु अवसर पाएका नेपाली गोलरक्षकले […]