2 years ago
February 16, 2023
एजेन्सी – इंग्लिस क्लब चेल्सीले युइएफए च्याम्पियन्स लिगको प्रि–क्वाटरफाइनलको पहिलो लेगमा जर्मन क्लब बोरुसिया डर्टमुन्डसँग हार बेहोरेको छ ।
चेल्सी घरेलु टोली डर्टमुन्डसँग १–० ले पराजित भएको हो । चेल्सीलाइए पराजित गर्न डर्टमुन्डका करिम एडियमीले दोस्रो हाफमा गरेको गोल नै निर्णायक बन्यो ।
सिग्नल इडुना पार्क डर्टमुन्डका बुधबार राति भएको रोमाञ्चक र प्रतिस्पर्धात्मक खेलमा दुवै टोलीले गोलको केही अवसर सिर्जना गरेपनि सदुपयोग गर्न सकेनन् । ३१औं मिनेटमा जोआओ फेलिक्सले सुवर्ण अवसर पाएपनि सदुपयोग गर्न नसक्दा चेल्सी अग्रता लिनबाट चुक्यो ।
३८औं मिनेटमा फेलिक्सकै प्रहार बारमा लागेर फर्कदा चेल्सीले अग्रता लिन सकेन । ५४औं मिनेटमा रिस जेम्सको प्रहारलाई डर्टमुन्डका गोलरक्षक ग्रेगर कोवेलले नियन्त्रणमा लिए । ५७औं मिनेटमा जुलियन ब्रान्डको प्रहारलाई चेल्सीका गोलरक्षक किपा एरिजाबालगाले बचाए ।
६२औं मिनेटमा मिखाइलो मुड्रिकको क्रस पासमा रिस जेम्सको प्रहारमा गोलरक्षक कोवेल नै बाधक बने । ६३औं मिनेटमा करिक एडियमीले गोल गर्दै घरेलु टोली डर्टमुन्डलाई १–० को अग्रता दिलाए । उनले राफयल गुरेइरोको पासमा गोल गर्न सफल भएका थिए ।
७८औं मिनेटमा हाकिम जियाचको फ्रिकिकलाई गोलरक्षक कोवेलले पञ्च गर्दै बचाए । त्यसमै प्राप्त कर्नरमा कोलिडोउ कोउलीवेलीको प्रहारलाई गोलरक्षक कोवेलले विफल पारेपनि आफ्नो नियन्त्रण बाहिर रहेको बललाई इम्री क्यानले गोल लाइनबाट क्लियर गर्दै चेल्सीको बराबरी टारे ।
इन्ज्युरी समयको थप गरिएको पाँचौं मिनेटमा एन्जो फर्नान्डेजको प्रहारलाई गोलरक्षक कोवेलले विफल पार्दै चेल्सीलाई हार चखाए ।
अब दोस्रो लेगको खेल चेल्सीको मैदानमा ७ मार्चको राति हुनेछ । डर्टमुन्डलाई क्वाटरफाइनल पुग्न यही नतिजा पर्याप्त हुनेछ । चेल्सीको जितको विकल्प छैन ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]