8 years ago
December 30, 2016
दिपेश तिमल्सिना
सिलगुढी (भारत)– साफ च्याम्पियनसिपमा समूह चरणको अन्तिम खेलमा श्रीलंकालाई १–० ले हराएपछि नेपाली टोलीका प्रशिक्षक कुमार थापाले प्रशिक्षकको रुणनीति सफल भएको बताएका छन् । पहिलो दुई खेलमा भुटानलाई ८–० र माल्दिभ्सलाई ९–० ले हराएको नेपालले श्रीलंकालाई गोलका लागि निकै संघर्ष गर्नु परेको थियो । बराबरी उन्मुख खेलको तीन मिनेट समय बाँकी रहँदा आरडिएलआर गुनाबद्धनेले आत्मघाती गोल गरेपछि नेपालको जित सम्भव भएको थियो ।
‘यो पनि फुटबलको एउटा हिस्सा हो’ नेपाली टोलीका प्रशिक्षक थापाले भने, ‘श्रीलंकाका प्रशिक्षकको रणनीति सफल भएको छ । हामीलाई रोक्ने रणनीतिमा सफल भएकोमा उनलाई बधाई छ । तथापी हामीले सफल नतिजा लिएका छौं । हामी जित्यौं, तर जसरी सोचेका थियौं त्यस्तो हुन सकेन ।’
श्रीलंका प्रशिक्षक एम रत्नम मोहम्मद जुसमिनले नेपाली टोली उत्कृष्ट रहको जनाउँदै भने, ‘हाम्रो टोलीको प्रदर्शनबाट म सन्तुष्ट छु । नेपालका मुख्य खेलाडीलाई रोक्न सफल भएका छौं ।’ लगातार तीन खेल जितेपछि नेपाल समूह एको विजेताका रुपमा सेमिफाइनल पुगेको छ । भुटान र माल्दिभ्सबीच केही समयमा हुने अर्को खेलबाट समूह एको उपविजेता टोलीको टुंगो लाग्नेछ ।
समूहमा श्रीलंका र माल्दिभ्सको समान ३ अंक छ भने भुटान अंक विहिन छ । नेपालले भारत वा बंगलादेशमध्ये एकसँग सेमिफाइनल खेल्नेछ । सेमिफाइनल पुगिसकेका भारत र बंगलादेशबीच शनिबार हुने खेलपछि समूह बीको विजेता, उपविजेताको टुंगो लाग्नेछ । नेपालले उपविजेतासँग फाइनल प्रवेशका लागि प्रतिस्पर्धा गर्नेछ ।
April 4, 2025
काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]
April 4, 2025
सुबास हुमागाईं, काठमाडौं नेपाल सुपर लिग (एनएसएल) को खेलाडी अक्सनमा सहभागी टिमहरुले गोलरक्षक अनुबन्धनमा खासै इच्छा देखाएनन् । यहाँसम्मकी अक्सन हुने समयमा राष्ट्रिय टोलीमा रहेका तीनै गोलरक्षक एक समय अनसोल्ड समेत रहे । तर एनएसएलको सुरुवाती ६ खेल हेर्दा विदेशी गोलरक्षक खेलाउने टोलीको निर्णयले टोलीलाई खासै फाइदा गरेको देखिदैन । बरु अवसर पाएका नेपाली गोलरक्षकले […]