2 years ago
February 6, 2023
एजेन्सी – इटालियन सिरी ‘ए’ को मिलान डर्वी भिडन्तमा इन्टर मिलानले जित निकालेको छ । इन्टर मिलानले एसी मिलानलाई १–० ले पराजित गरेको हो ।
इन्टरको जितमा पहिलो हाफमा अर्जेन्टिनी फरवार्ड लोउटारो मार्टिनेजले गरेको गोल नै निर्णायक बन्यो । उनले ३४औं मिनेटमा गोल गरेका थिए ।
मिलानोमा आइतबार राति भएको खेलमा इन्टरले खेलको सुरु देखि नै एसी मिलानलाई दवावमा राखेको थियो । ३४औं मिनेटमा मार्टिनेजले गोल गर्दै इन्टरलाई १–० को अग्रता दिलाए । उनले हकान चलहानोग्लुको पासमा गोल गर्न सफल भएका थिए ।
एक गोलको अग्रता लिएपछि पनि इन्टरले खेलमा पकड जमाएपनि थप गोल भने गर्न नसकदा मार्टिनेजको गोल नै निर्णायक बन्यो ।
यस जितसँगै इन्टर २१ खेलबाट ४३ अंक जोडेर दोस्रो स्थानमा रहेको छ । इन्टर नेपोलीभन्दा १३ अंकले अघि छ । पराजित मिलान ३८ अंक जोडेर छैटौं स्थानमा छ ।
आइतबार राति नै शीर्षस्थानमा रहेको नेपोलीले स्पेजियालाई ३–० ले पराजित गर्दै आफ्नो शीर्षतालाई थप मजवुत पारेको छ । नेपोलीको जितमा भिक्टर ओसिमहेनले दुई तथा केभिचाले एक गोल गरे ।
यस जितसँगै नेपोलीको २१ खेलबाट ५६ अंक पुगेको छ । पराजित स्पेजिया १८ अंक जोडेर १७औं स्थानमा छ ।
December 26, 2024
दिपक बोहोरा,पाँचथर न्युरोड टिम ( एनआरटी) फिदिममा जारी ११औं फाल्गुनन्द गोल्डकप फुटबल प्रतियोगिताको सेमिफाइनल प्रवेश गरेको छ । फिदिम माविको मैदानमा बिहीवार भएको अन्तिम क्वाटरफाइनलमा सिरहाको सलेहश क्लबलाई टाइब्रेकरमा ५–४ ले हराउँदै एनआरटी अन्तिम चारमा पुगेको हो । योसँगै फाल्गुनन्द गोल्डकपको सेमिफाइनल समीकरण पूरा भएको छ । आयोजक फिदिम स्पोर्टिङ क्लब, मच्छिन्द्र क्लब र चर्च […]
December 26, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) को आयोजनामा हुन लागेको एन्फा यू१६ लिगका लागि थ्री स्टार क्लबले आफ्नो समर्थकबाट प्रायोजन पाएको छ । लामो समयदेखि क्लबको समर्थन गर्दै आएका हाल अष्ट्रेलिया निवासी अरुण तिवारीले क्लबको यू१६ टोलीलाई आफ्नो कम्पनि सिल्भर रे रिअल्टिमार्फत प्रायोजन गरेका हुन् । थ्री स्टारले आफ्नो सामाजिक संजालमार्फत प्रायोजन […]
December 26, 2024
काठमाडौं (हाम्रो खेलकुद)- प्याब्सन बुढानिलकण्ठ र ए डिभिजन टोली हिमालयन शेर्पा क्लबबीच ग्रासरुट फुटबल कार्यक्रम संचालनका लागि सम्झौता भएको छ । स्थानीय स्तरमा फुटबल खेलकुदको प्रवर्द्धन र नयाँ प्रतिभाको पहिचानका लागि बिहीवार सम्झौता भएको हो। सम्झौताअनुसार, बुढानिलकण्ठ नगरपालिका भित्रका विद्यालयका बालबालिकालाई लक्षित गरी फुटबल प्रशिक्षण कार्यक्रम संचालन हुने बताइएको छ । बालबालिकाहरूमा फुटबल खेलप्रति रुचि […]
