2 years ago
January 26, 2023
काठमाडौं (हाम्रो खेलकुद)– अखिल नेपाल फुटबल संघ (एन्फा) ले फिफा विश्व कपको टिकट विक्रीका विषयमा सबै जानकारी उपलब्ध गराउन एन्फाकै सदस्यले अध्यक्षलाई बुधबार निवदेन दिएका छन् ।
एन्फा सदस्य रुपेश अधिकारीले ५ वटा प्रश्न सोध्दै त्यसम स्पष्ट पार्न आग्रह गरेका छन् । फिफाबाट विश्व कपका लागि कुन कुन खेलका लागि कति थान टिकट प्राप्त भएको, टिकट को र कसलाई वितरण गरियो, कुनै टिकट निशुल्क प्राप्त भएको थियो थिएन भन्ने प्रश्न गरेका छन् ।
त्यस्तै अधिकारीलले सन्चारमाध्यममा आए अनुसार एएफसीलाई कति र किन टिकट दिएको तथा गैर जिम्मेवार व्यक्तिबाट अन्तर्राष्ट्रिय निकायमा इमेल आदानप्रदान गरेको विषयमा स्पष्ट पार्न समेत भनेका छन् ।
एन्फा सार्वजनिक निकाय भएको यसको काममा जनसरोकार हुनु स्वभाविक भएको भन्दै अधिकारीले एन्फाको कामका बारेमा कार्यसमिति जानकार र जवाफेदेही हुन जरुरी रहेको अधिकारीले पत्रमार्फत धारणा राखेका छन् । फिफा विश्व कपको टिकटका विषयमा उठेका सवालमा स्पष्ट पार्न अधिकारीले अनुरोध गरेका छन् ।
एन्फा महासचिव किरण राईले कतारमा भएको विश्कपका लागि २ सय ९० वटा टिकट विक्रीका लागि उपलब्ध भएको बताएका छन् । उनले एएफसीलाई विक्री गरेको टिकटको संख्या यकिन नबताएपनि २७ वटा जति रहेको उल्लेख गरे ।
‘हामीले टिकट विक्रीमा दुरुपयोग गरेका छैनौं । कार्यसमितिले तय गरेको मापदण्डका आधारणमा टिकट विक्री भएको छ । कुनै पनि टिकट निशुल्क विक्री भएको छैन ,’ राईले भने, ‘कस कसलाई टिकट विक्री गरेको भन्ने सुची पनि तयार छ । त्यसलाई पहिला कार्यसमितिको बैठकमा राख्छौं । ’
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]