2 years ago
January 23, 2023
एजेन्सी – इटालियन सिरी ‘ए’ मा युभेन्ट्स र एटलान्टाले रोमाञ्चक बराबरी खेल्दै अंक बाँडेका छन् । युभेन्ट्स र एटलान्टाले ३–३ गोलको बराबरी खेल्दै अंक बाँडेका हुन् ।
युभेन्ट्सका एन्जल डि मारिया, एर्काडिअस्ज मिलिक र डानिलोले गोल गर्दा एटलान्टाका एडेमोला लुकमानले दुई तथा जोआकिम माइहलले एक गोल गरे ।
एलिएन्ज स्टेडियम टोरिनोमा आइतबार राति भएको खेलको पाँचौं मिनेटमा एडेमोलाको गोलबाट एटलान्टाले १–० को अग्रता लिन सफल भयो । उनले जेरेमी बोगाको पासमा गोल गर्न सफल भएका थिए ।
२५औं मिनेटमा एन्जल डि मारियाले पेनाल्टीमा गोल गर्दै खेललाई १–१ गोलको बराबरीमा ल्याए । ३४औं मिनेटमा एर्काडिअस्ज मिलिकले गोल गर्दै युभेन्ट्सलाई पहिलो हाफमा २–१ को अग्रता दिलाए । उनले निकोला फोगिओलीको पासलाई सदुपयोग गरेका थिए ।
४६औं मिनेटमा जोआकिमले गोल गर्दै खेललाई २–२ गोलको बराबरीमा ल्याए । उनले एडिमोला लुकमानको पासलाई सदुपयोग गरेका थिए ।
५३औं मिनेटमा एडिमोलाले व्यक्तिगत दोस्रो तथा टोलीका लागि तेस्रो गोल गर्दै एटलान्टालाई ३–२ ले अघि बढाए । ६५औं मिनेटमा डानिलोले डि मारियाको पासमा गोल गर्दै युभेन्ट्सलाई हारबाट जोगाए ।
यस बराबरीसँगै एटलान्टा १९ खेलबाट ३५ अंक जोडेर पाँचौं स्थानमा रहेको छ । युभेन्ट्स १९ खेलबाट २३ अंक जोडेर नवौं स्थानमा रहेको छ ।
ट्रान्सफर बजारमा खेलाडी खरिद विक्री तथा अन्य विषयसहित आर्थिक प्रतिवेदनमा सहि हिसाब नदेखाएको भन्दै इटालीको फुटबल महासंघले युभेन्टसलाई कारवाही गर्दै १५ अंक घटाइएको छ ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]