2 years ago
January 15, 2023
एजेन्सी – जर्मन फरवार्ड काई हाभर्टजको गोलमा लन्डन क्लब चेल्सीले क्रिस्टल प्यालेसलाई पराजित गरेको छ । चेल्सीले घरेलु मैदानमा क्रिस्टल प्यालेसलाई १–० ले पराजित गर्दै महत्वपूर्ण ३ अंक बटुलेको हो ।
चेल्सीको जितमा दोस्रो हाफमा काई हाभर्टजले गरेको गोल नै निर्णायक बन्यो । उनले ६४औं मिनेटमा हाकिमी जियाचको पासमा गोल गर्न सफल भएका थिए ।
स्टामफोर्ड ब्रिजमा आइतबार राति भएको खेलमा घरेलु टोली चेल्सीले पाहुना टोलीमाथि बल पोसेसन राख्दै दवाव सिर्जना गरेपनि थप गोल भने गर्न सकेन ।
यस जितसँगै चेल्सी १९ खेलबाट २८ अंक जोडेर १०औं स्थानमा यथावत रहेको छ । पराजित क्रिस्टल प्यालेस १८ खेलबाट २२ अंक जोडेर १२औं स्थानमा छ ।
अर्काे खेलमा न्यूक्यासल युनाइटेडले फुलहमलाई १–० ले पराजित गरेको छ । न्यूक्यासलको जितमा खेलको अन्तिम समयमा एलेक्सान्डर इसाकले गरेको गोल नै निर्णायक बन्यो । उनले ८९औं मिनेटमा कलुम विल्सनको पासलाई सदुपयोग गरेका थिए । त्यसअघि ७०औं मिनेटमा फुलहमका एलेक्सान्डर मित्रोभिच पेनाल्टीमा चुकेका थिए ।
यस जितसँगै न्यूक्यासल १९ खेलबाट ३८ अंक जोडेर तेस्रो स्थानमा उक्लिएको छ । समान ३८ अंक नै भएपनि एक खेल कम खेलेको म्यानचेस्टर युनाइटेड गोलअन्तरमा पछि छ । पराजित फुलहम ३१ अंक जोडेर छैटौं स्थानमा रहेको छ ।
December 26, 2024
दिपक बोहोरा,पाँचथर न्युरोड टिम ( एनआरटी) फिदिममा जारी ११औं फाल्गुनन्द गोल्डकप फुटबल प्रतियोगिताको सेमिफाइनल प्रवेश गरेको छ । फिदिम माविको मैदानमा बिहीवार भएको अन्तिम क्वाटरफाइनलमा सिरहाको सलेहश क्लबलाई टाइब्रेकरमा ५–४ ले हराउँदै एनआरटी अन्तिम चारमा पुगेको हो । योसँगै फाल्गुनन्द गोल्डकपको सेमिफाइनल समीकरण पूरा भएको छ । आयोजक फिदिम स्पोर्टिङ क्लब, मच्छिन्द्र क्लब र चर्च […]
December 26, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) को आयोजनामा हुन लागेको एन्फा यू१६ लिगका लागि थ्री स्टार क्लबले आफ्नो समर्थकबाट प्रायोजन पाएको छ । लामो समयदेखि क्लबको समर्थन गर्दै आएका हाल अष्ट्रेलिया निवासी अरुण तिवारीले क्लबको यू१६ टोलीलाई आफ्नो कम्पनि सिल्भर रे रिअल्टिमार्फत प्रायोजन गरेका हुन् । थ्री स्टारले आफ्नो सामाजिक संजालमार्फत प्रायोजन […]
December 26, 2024
काठमाडौं (हाम्रो खेलकुद)- प्याब्सन बुढानिलकण्ठ र ए डिभिजन टोली हिमालयन शेर्पा क्लबबीच ग्रासरुट फुटबल कार्यक्रम संचालनका लागि सम्झौता भएको छ । स्थानीय स्तरमा फुटबल खेलकुदको प्रवर्द्धन र नयाँ प्रतिभाको पहिचानका लागि बिहीवार सम्झौता भएको हो। सम्झौताअनुसार, बुढानिलकण्ठ नगरपालिका भित्रका विद्यालयका बालबालिकालाई लक्षित गरी फुटबल प्रशिक्षण कार्यक्रम संचालन हुने बताइएको छ । बालबालिकाहरूमा फुटबल खेलप्रति रुचि […]
