2 years ago
January 13, 2023
काठमाडौं (हाम्रो खेलकुद) – अखिल नेपाल फुटबल संघ (एन्फा) ले सहिद स्मारक ए डिभिजन लिगका लागि टिकटको मुल्य तोकेको छ ।
फागुन १९ गतेबाट दशरथ रंगशालामा सुरु हुने ए डिभिजन लिगका लागि भिआइपी प्यारापिटतर्फ ३ सय र साधारण प्यारापिटतर्फ १ सय रुपैयाँ टिकटको मुल्य तोकेको हो ।
एन्फा अध्यक्ष पंकजविक्रम नेम्बाङको अध्यक्षतामा शुक्रबार बसकेको कार्यसमितिको आकस्मिक बैठकले फागुन १९ गतेदेखि ए डिभिजन लिग र चैत १५ गते देखि सहिद स्मारक बी डिभिजन लिग सुरु गर्ने निर्णयलाई अनुमोदन गरेको छ ।
अध्यक्ष नेम्बाङको संयोजकत्वमा कार्यसमितिका सम्पूर्ण पदाधिकारी र सदस्यहरु सदस्य रहने गरि लिग सञ्चालन समिति गठन गरेको छ । यसअघि एन्फाले अलग्गै लिग समिति बनाएर लिग सञ्चालन गरेको थियो ।
बैठकले विभन्न ८ एजेन्डामा निर्णय गर्ने क्रममा ए डिभिजन लिगको टिकेटिङ अधिकारको लागि न्युनतम १ करोड ५० लाखको टेन्डर आव्हान गर्ने निर्णय गरेको छ । त्यस्तै मुख्य प्रायोजक बाहेक कर्मसियल र मार्केटिङ अधिकारको लागि न्युनतम १ करोड ५० लाख रुपैयाँको तोकेर टेन्डर आह्वान गर्ने निर्णय पनि गरेको छ ।
त्यस्तै सहिद स्मारक ए, बी र सी डिभिजन लिगका ब्रोडकास्टिङ अधिकारको लागि न्युनतम ६० लाख रुपैयाँको तोकेर टेन्डर आह्वान गर्ने निर्णय गरेको एन्फा प्रवक्ता सुरेश शाहले शुक्रबार जारी गरेको विजप्तीमा उल्लेख छ ।
ए, बी र सी लिग आयोजनामा आवश्यक पर्ने सेवा तथा सामाग्रीको लागि टेन्डर आह्वान गर्न एन्फा सचिवालयलाई जिम्मेवारी प्रदान गर्ने निर्णय बैठकले गरेको छ ।
त्यस्तै ए, बी र सी लिगका लागि तीन सदस्यीय इन्ट्रगिटी समितिको गठन गर्ने निर्णय समेत गरेको छ । बैठकले ब्राजिलका महान फुटबल खेलाडी पेलेको निधनप्रति शोक प्रस्ताव पारित गरेको छ ।
December 18, 2024
एजेन्सी – फिफा द वेस्ट अवार्ड यो वर्ष भिनिसियस जुनियर र आइताना बोनमतीले जितेका छन् । विश्व फुटबल महासंघ (फिफा)ले प्रदान गर्ने अर्वाड कतारमा मंगलबार राति आयोजना भएको थियो।ब्राजिल तथा स्पेनिस क्लब रियल म्याड्रिडका भिनिसियसलाई पुरुषतर्फ र स्पेन तथा बार्सिलोनाकी बोनमतीलाई महिलातर्फ उत्कृष्ट वर्ष फूटबलर २०२४ घोषित भएका हुन्। मिडफिल्डर बोनमतीले लगातार दोस्रो वर्ष फिफा […]
December 17, 2024
हिमाल खरेल,बिर्तामोड गोलरक्षक निरज चौधरी नायक बन्दा इटहरीको राष्ट्रिय जागृति क्लब झापाको बिर्तामोडमा जारी झापा कपको सेमिफाइनलमा प्रवेश गरेको छ । टाइब्रेकरमा भारतको जिटिए दार्जिलिङलाई ४-२ ले हराउँदै जागृति अघिल्लो चरणमा प्रवेश गरेको हो । टाइब्रेकरमा जागृतिका प्रवेश दनुवार, सविन घिमिरे, योगेन्द्र कार्की र विदेशी खेलाडी नाम्दी इबोसीले गोल गरे भने निशान लिम्बुको प्रहार बारमा […]
December 17, 2024
दिपक बोहोरा,पाँचथर पाँचथर सदरमुकाम फिदिममा शनिवार सुरु हुने ११ औं फाल्गुनन्द गोल्डकपको खेल तालिका सार्वजनिक गरिएको छ । आयोजक फिदिम स्पोर्टिङ क्लबले सामाजिक सञ्जाल मार्फत गोल्डकपको खेलतालिका सार्वजिक गरेका हुन् । उद्घाटन खेलमा आयोजक फिदिम स्पोर्टिङ क्लबले पाहुना टोली करसाङ एफसी भारतसँग प्रतिस्पर्धा गर्नेछ ।मच्छिन्द्र एफसी र झापा ११ फुटबल क्लबबीच पुस ७ गते दोस्रो […]
