2 years ago
January 4, 2023
काठमाडौं (हाम्रो खेलकुद) – राष्ट्रिय टोलीबाट प्रतिनिधित्व गरिसकेका मिडफिल्डर प्रशान्त अवस्थी सहिद स्मारक ‘ए’ डिभिजन लिग च्याम्पियन मछिन्द्र फुटबल क्लबमा अनुबन्धित भएका छन् ।
मछिन्द्र फुटबल क्लबले नयाँ सिजनका लागि बुधबार मिडफिल्डर प्रशान्तलाई अनुबन्ध गरिएको जनाएको छ । प्रशान्तले अघिल्लो सिजन सातदोबाटो युथ क्लबबाट खेलेका थिए । सातदोबाटोले गत सिजन पहिलोपल्ट शीर्ष डिभिजन खेल्दा सनसनीपूर्ण प्रदर्शन गर्दा उनी टोलीका महत्वपूर्ण सदस्य थिए ।
प्रशान्तले पोखरामा जारी २२औं संस्करणको आहा रारा पोखरा गोल्डकप मछिन्द्रबाटै खेलेका थिए । तर, मछिन्द्रले बुधबार मात्रै प्रशान्तलाई अनुबन्ध गरेको जनाएको छ । उनले क्वाटरफाइनलमा चर्च ब्वाइजविरुद्ध दोस्रो हाफ खेलेका थिए ।
प्रशान्तले गत मार्चमा थाइल्यान्डसँगको मैत्रीपुर्ण खेलबाट सिनियर राष्ट्रिय टोलीमा डेब्यु गरेका थिए । उनी ७१औं मिनेटमा दर्शन गुरुङको स्थानमा मैदान छिरेका थिए ।
यस्तै मछिन्द्रले मिडफिल्डर पुजन उपरकोटीलाई अनुबन्ध गरिसकेको छ । पुजनले मनाङ छाडेर मछिन्द्र रोजेका हुन् । पुजनले पनि मछिन्द्रबाट आहा रारा पोखरा गोल्डकप खेलिसकेका छन् । मछिन्द्र पहिलो खेलमै ‘ए’ डिभिजनको नव प्रवेशी चर्च ब्वाइज युनाइटेडसँग ३–१ ले पराजित भएको थियो ।
यस सिजनको सहिद स्मारक ‘ए’ डिभिजन लिग फागुन १९ गतेबाट हुने तय भएको छ । खेल तालिका माघ २ गते निकालिने अखिल नेपाल फुटबल संघले जनाएको छ ।
December 17, 2024
दिपक बोहोरा,पाँचथर पाँचथर सदरमुकाम फिदिममा शनिवार सुरु हुने ११ औं फाल्गुनन्द गोल्डकपको खेल तालिका सार्वजनिक गरिएको छ । आयोजक फिदिम स्पोर्टिङ क्लबले सामाजिक सञ्जाल मार्फत गोल्डकपको खेलतालिका सार्वजिक गरेका हुन् । उद्घाटन खेलमा आयोजक फिदिम स्पोर्टिङ क्लबले पाहुना टोली करसाङ एफसी भारतसँग प्रतिस्पर्धा गर्नेछ ।मच्छिन्द्र एफसी र झापा ११ फुटबल क्लबबीच पुस ७ गते दोस्रो […]
December 16, 2024
हिमाल खरेल,बिर्तामोड उपाधिको दाबेदार मध्ये त्रिभुवन आर्मी फुटबल क्लब झापाको बिर्तामोडमा जारी प्रथम झापा कपको क्वार्टर फाइनल खेलबाटै बाहिरिएको छ । सिरहाको सलहेश युवा क्लबसँग २-० ले पराजित हुँदै आर्मी खेलबाट बाहिरिएको हो । झापामा हुने प्रतियोगितामा पहिलोपटक सहभागिता जनाएको सलहेश आर्मीलाई पराजित गर्दै सेमिफाइनलमा पुगेको हो । सलहेशको जितमा अभि लामा र आदित्य शाक्यले […]
December 16, 2024
दिपक बोहोरा,पाँचथर पाँचथर गोल्डकपको पाँचौ संस्करण फागुनमा हुने भएको छ । आयोजक पाँचथर क्लबले आइतवार पत्रकार सम्मेलन गर्दै एक विदेशीसहित ८ टोलीको सहभागितामा फिदिम माविको खेलमैदानमा प्रतियोगिता हुने जानकारी दिएको छ। फागुनमा प्रतियोगिता हुने भने पनि मिति भने पछि तय हुने बताइएको छ । सहभागी टोलीको लाग्न केहि समय लाग्ने आयोजक क्लबका अध्यक्ष कमल तुम्रोकले […]
