2 years ago
January 4, 2023
एजेन्सी – फिफा विश्वकप कतार २०२२ को विजेता अर्जेन्टिनी राष्ट्रिय फुटबल टोलीका कप्तान लिओनेल मेस्सी अन्तत: आफ्नो क्लब पेरिस सेन्ट जर्मेन फर्किएका छन् ।
गत महिना कतारको दोहामा सम्पन्न फाइनल खेलमा अर्जेन्टिनाले फ्रान्सलाई हराउँदै उपाधि जितेको थियो । फ्रान्सेली क्लब पिएसजीसँग सम्झौताको अन्तिम वर्षमा रहेका मेस्सीले उपाधिको खुसियाली मनाउन बिदा लिएका थिए । फाइनलमा आफ्नै क्लब सहकर्मी एमबाप्पे सम्मिलित फ्रान्सलाई मेस्सीको टोलीले पछि पारेको थियो । एमबाप्पे भने फाइनल सकिएको तीन दिनपछि नै प्रशिक्षणमा सहभागी रहेका थिए ।
मेस्सी अनुपस्थित रहँदा पिएसजीले लिगको दुई खेल खेल्दा एक जित र एक हारको नतिजा निकालेको थियो । स्ट्रासबर्गविरुद्ध खेलमा पिएसजीले २-१ को कठिन जित दर्ता गर्दा नेयमारले रातो कार्ड खाएका थिए । त्यसपछि लेन्सविरुद्ध मेस्सी र नेयमार दुवै अनुपस्थित रहँदा पिएसजी ३-१ ले पराजित भएको थियो । उक्त हार पिएसजीले जारी सिजन भोगेको पहिलो हार पनि थियो ।
पिएसजीले अब शुक्रबार राती फ्रेन्च कपको खेलमा तेस्रो श्रेणीको एलबी चाटेअरोको सामना गर्दैछ । उक्त खेलमा मेस्सी उपलब्ध हुने नहुने पक्का भइसकेको छैन ।
December 18, 2024
हिमाल खरेल, बिर्तामोड चर्च ब्वाइज युनाइटेड झापा कप फुटबल प्रतियोगिताको सेमिफाइनलमा प्रवेश गरेको छ । चर्च ब्वाइजले रुपन्देहीको गोर्खा ब्वाइज स्पोर्टस क्लबलाई ३-० गोलले हराउँदै सेमिफाइनलमा स्थान पक्का गरेको हो । डोमालाल रंगशालामा चर्च ब्वाइजका लागि दिपेश गुरुङ, विदेशी खेलाडी आर्मन्ड र डिकाले गोल गरे । खेलको २९ औँ मिनेटमा चर्च ब्वाइजले अग्रता लियो । […]
December 18, 2024
एजेन्सी – फिफा द वेस्ट अवार्ड यो वर्ष भिनिसियस जुनियर र आइताना बोनमतीले जितेका छन् । विश्व फुटबल महासंघ (फिफा)ले प्रदान गर्ने अर्वाड कतारमा मंगलबार राति आयोजना भएको थियो।ब्राजिल तथा स्पेनिस क्लब रियल म्याड्रिडका भिनिसियसलाई पुरुषतर्फ र स्पेन तथा बार्सिलोनाकी बोनमतीलाई महिलातर्फ उत्कृष्ट वर्ष फूटबलर २०२४ घोषित भएका हुन्। मिडफिल्डर बोनमतीले लगातार दोस्रो वर्ष फिफा […]
December 17, 2024
हिमाल खरेल,बिर्तामोड गोलरक्षक निरज चौधरी नायक बन्दा इटहरीको राष्ट्रिय जागृति क्लब झापाको बिर्तामोडमा जारी झापा कपको सेमिफाइनलमा प्रवेश गरेको छ । टाइब्रेकरमा भारतको जिटिए दार्जिलिङलाई ४-२ ले हराउँदै जागृति अघिल्लो चरणमा प्रवेश गरेको हो । टाइब्रेकरमा जागृतिका प्रवेश दनुवार, सविन घिमिरे, योगेन्द्र कार्की र विदेशी खेलाडी नाम्दी इबोसीले गोल गरे भने निशान लिम्बुको प्रहार बारमा […]
