एजेन्सी – फिफा विश्वकप कतार २०२२ को पहिलो सेमिफाइनलमा साविककाे उपविजेता क्रोएसियालाई ३–० ले हराएर ८ वर्षपछि अर्जेन्टिना फाइनलमा पुगेको छ ।

यस खेलको दृश्यमा युवा फरवार्ड जुलियन अल्भारेज आए । उनी अर्जेन्टिनाले गरेको तीनै गोलमा संलग्न रहे । पहिलो गोलमा पेनाल्टी जितेका उनले त्यसपछि दुई सानदार गोल गरे । यि २२ वर्षीय अल्भारेजको यस विश्वकपमा त्यो तेस्रो र चौथो गोल बन्यो ।

इंग्लिस क्लब म्यानचेस्टर सिटीमा सुरुवाती रोजाईमा मौका नपाएपनि उनले कतार विश्वकपमा लगातार पहिलो रोजाईमा खेल्दै सनसनी मच्चाइरहेका छन् । उनले लोउटारो मार्टिनेजलाई मौका नै दिइरहेका छैनन् । उनले रन र ड्रिबल गर्दै क्रोएसियाली डिफेन्सलाई सहजै चिर्न सफल भए ।

उनी कप्तान लियोनेल मेस्सीको परफेक्ट पार्टनर बनेका छन् । अर्जेन्टनाले यस विश्वकपमा १२ गाेल गर्दा यि दुई मेस्सी र अल्भारेजले ९ गाेल तथा ४ असिस्ट दिएका छन् ।

उनको रियल म्यड्रिड इतिहास

म्याड्रिडिस्टा इतिहासमा जुलियन राम्रोसँग परिचित छ । उनी ११ वर्षको रियल म्याड्रिडको एकेडेमीमा आएका थिए । त्यहाँ उनले एक महिना बिताए । यो २०११ मा थियो । त्यहाँ उनले धेरै जुनियर प्रतियोगिता खेले । जसमध्ये एक प्रतियोगितामा उनी सर्वाधिक गोलकर्ता बने । उनले यहाँ खेल्नुमा यत्ति फरक भयो कि तिनीहरू सबै ठाउँबाट उनलाई भेट्न आए ।’ उनको एक नजिकका साथीले सम्झिए ।

उनी विपक्षीमाथि सहजै हावी हुन सक्छन् । पेनाल्टी क्षेत्रमा एक्लै पुगेर दवावको स्थिति आउन सक्छन् । केही वर्ष सम्म, रियल म्याड्रिडले उनलाई स्थायी रूपमा अनुबन्ध गर्न सकेन । र उनको सम्पूर्ण परिवार नै अर्जेन्टिना फर्कन बाध्य बन्यो । त्यसपछि उनले एट्लेटिको काल्चिन हुँदै लिभर प्लेटबाट आफ्नो प्रतिभालाई निखारे । कतारमा, उनले आफ्नो स्तर पुष्टि गरेका छन् ।

लियोको विश्वकप

करिअरको उत्तरार्धमा रहेको कप्तान लियोनेल मेस्सी यस विश्वकपमा उच्च लयमा छ । उनले यस विश्वकपमा ५ गोलसँगै ३ असिस्ट दिएर सर्वाधिक गोलकर्ताको सुचीमा फ्रान्सका केलियन एमबाप्पेसँगै संयुक्त रुपमा शीर्षस्थानमा रहेका छन् । मेस्सी विश्वकपमा सर्वाधिक गोल (११) गोल गर्ने अर्जेन्टिनी खेलाडी बनेका छन् । उनले यसै विश्वकपमा डिएगो म्याराडोना र गिलेर्माेको ८ गोल तथा ग्याब्रियल बाटिस्टुटाको १० गोलको कीर्तिमानलाई तोडे ।

यस्तै उनले पुरुष विश्वकपमा जर्मनीका लोथर म्याथ्युजसँगको सर्वाधिक २५ खेलको कीर्तिमानलाई बराबरी खेलेका छन् । अब उनले फ्रान्स या मोरक्कोसँग हुने फाइनल खेलपछि उनी विश्वकपमा सर्वाधिक खेल खेल्ने खेलाडी बन्नेछन् । यसपटक विश्वकपको च्याम्पियन बनेमा मेस्सीले म्याराडोनासँगै उभिनेछ ।

स्कालोनी बौद्धिक प्रशिक्षक

लियोनेल स्कालोनी युवा र बौद्धिक प्रशिक्षक हुन् । यिनै बौद्धिक प्रशिक्षक स्कालोनीले कठिन परिस्थितिमा राष्ट्रिय टोलीको जिम्मेवारी लिए । धेरैले उनलाई विश्वास गरेनन् । तर, उनले आफ्नो काम देखाएर प्रमाणित गरिसकेका छन् । कोपा अमेरिका कप जिताएका उनले अर्जेन्टिनालाई फाइनलमा पु¥याएका छन् ।

लिभाकोभिचको फरक रात
२७ वर्षीय क्रोएसियाका गोलरक्षक डोमिनिक लिभाकोभिच विश्वकपका पाँच खेलमा तीन गोल मात्रै खाएर सेमिफाइनलमा पुगेका थिए । एकै खेलमा दुई गोल खाएका थिएनन् । तर अर्जेन्टिनाविरुद्धको सेमिफाइनलमा उनले तीन गोल खाए ।

आफ्नै गल्तीमा उनले अर्जेन्टिनालाई पेनाल्टी प्रदान गरे । जुलियन अल्भारेको प्रहारपछि आफ्नो गति नियन्त्रणमा लिन नसकेपछि उनले फउल गरेको देखिएको थियो । त्यही पेनाल्टीले उनी दवावमा देखिए । त्यसपछि थप दुई खान पुग्यो ।

र डिबालाले खेले
पाउलो डिबाला एक स्टार हुन् । लियोनेल स्कालोनीले टोली सहज स्थितिमा पुगेपछि उनलाई केही मिनेट दिए । उनले अल्भारेजकै स्थानमा ७४औं मिनेटमा डिबालालाई मैदानमा छिराए ।