काठमाडौं (हाम्रो खेलकुद) – फिफा विश्वकप कतार २०२२ अन्तर्गत दोस्रो क्वाटरफाइनलमा अर्जेन्टिना र नेदरल्यान्ड्स भिड्दैछन् । खेल नेपाली समयअनुसार मध्यरात १२:४५ बजे सुरु हुनेछ ।

अर्जेन्टिनाले पछिल्लो खेलबाट एक परिवर्तन गर्दै एक डिफेन्डर टोलीमा थपेको छ । मिडफिल्डर आलेहान्द्रो गोमेजको स्थानमा लिसान्द्रो मार्टिनेज टोलीमा आएका छन् । अर्जेन्टिनाले तीन सेन्ट्रल डिफेन्डर खेलाएसँगै विंगब्याकद्वय नाहेल मोलिना र मार्कस अकुना अझ बढी आक्रामक भूमिकामा देखिने सम्भावना छ । मिडफिल्डमा रोड्रीगो डे पल सामान्य चोटका बाबजुद सुरुवात गरिरहेका छन् ।

यता नेदरल्यान्ड्सले स्टिभन बर्गवाइनलाई सुरुवाती रोजाइमा उतारेको छ । डेभि क्लासेन बेन्चमा जाँदा मेम्फिस डिपाएले आज नम्बर १० भूमिका निर्वाह गर्ने देखिन्छ । कोडी गाक्पो र बर्गवाइन आक्रमणमा देखिनेछन् । मिडफिल्डमा फ्रेंकी डे जोङ र मार्टेन डे रुनकै जोडी खेलेको छ ।

सुरुवाती ११ :

नेदरल्यान्ड्स : एन्द्रिज नोपर्ट, नाथन आके, भर्जील भान डाइक, जुरीएन टिम्बर, डेली ब्लिन्ड, फ्रेंकी डे जोङ, मार्टेन डे रुन, डेन्जेल डम्फ्राइज, मेम्फिस डिपाए, कोडी गाक्पो, स्टिभन बर्गवाइन

अर्जेन्टिना : एमिलियानो मार्टिनेज, क्रिस्टियन रोमेरो, निकोलस ओटामेन्डी, लिसान्द्रो मार्टिनेज, नाहेल मोलिना, रोड्रीगो डे पल, एन्जो फर्नान्डेज, एलेक्सिस म्याक एलिस्टर, मार्कस अकुना, जुलियन अल्भारेज, लिओनेल मेस्सी