2 years ago
December 9, 2022
एजेन्सी – एसियाली मुलुक कतारमा जारी फिफा विश्वकप २०२२ मा आज (शुक्रबार) देखि क्वाटरफाइनलका खेलहरु शुरु हुँदा पहिलो खेलमा ब्राजिलले क्रोएसियाको सामना गर्नेछ ।
यो खेल एजुकेशन सिटी रंगशालामा नेपाली समयअनुसार राति ८ः४५ बजेपछि हुनेछ । क्रोएसियासँग भिड्दै ब्राजिलले कीर्तिमानी छैटौंपटक विश्व च्याम्पियन बन्ने जीवित राख्न प्रयास गर्नेछ । प्रि–क्वाटरफाइनलमा दक्षिण कोरियालाई ४–१ ले हराएर अघि बढेको ब्राजिल सोही जितको लयलाई निरन्तरता दिन चहान्छ ।
ब्राजिलले दक्षिण कोरियाविरुद्ध आफ्नो वास्तविक खेलको नमुना पस्किएको थियो । ब्राजिलले पहिलो ३६ मिनेटमा चार गोलको अग्रता बनाएको थियो । दोस्रो हाफमा ब्राजिलले एक गोल खाएको थियो ।
उनीहरू लगातार सातौंपटक विश्वकपको क्वाटरफाइनल खेल्दैछ । तर प्रतियोगिताको यस चरणमा उनीहरू आफ्नो हालैको कीर्तिमानबाट सजग हुनेछन् । ब्राजिल पछिल्ला चारमध्ये तीनमा क्वाटरफाइनल चरणबाटै बाहिरिएको छ, जसमा युरोपेली फ्रान्स, नेदरल्यान्ड्स र बेल्जियमसँग क्रमशः २००६, २०१० र २०१८ मा हारेको थियो ।
२००२ को विश्वकपको फाइनलमा जर्मनीलाई २–० ले हराएपछि ब्राजिलले प्रतियोगितामा युरोपेली राष्ट्रविरुद्ध पछिल्ला पाँच नकआउट खेलमा हारेको छ । यद्यपि, ब्राजिलले क्रोएसियासँग अघिल्लो चार भेटमा कहिल्यै हारेका छैनन् । गत साता क्यामरुनसँगको १–० को हार उनीहरुको १९औं खेलमा एक हार थियो ।
गाब्रियल जेसस र एलेक्स टेलासलाई गुमाइसकेको ब्राजिल नेयमारको आगमनले टोलीको मनोवल बढेको छ । चोटका एलेक्स सान्ड्रोले खेल्ने सम्भावना न्युन छ । डानिलो, थियागो सिल्भा, मार्किन्हस, एडर मिलिसाओ, क्यासेमिरो, लुकास पाक्वेटा, राफिन्हा, भिनियस जुनियर र रिचार्लीसनले आक्रमण सम्हाल्ने सम्भावना छ ।
यता, लगातार दोस्रोपटक र समग्रमा तेस्रोपटक क्वाटरफाइनलमा पुगेको क्रोएसिया पनि ब्राजिललाई स्तब्ध पार्दै लगातार दोस्रो पटक सेमिफाइनलमा पुग्ने दाँउमा हुनेछ । जापानलाई पेनाल्टी सुटआउटमा मुस्किलले हराएर क्रोएसियाले ब्राजिलसँगको भेट पक्का गरेको हो ।
पेनाल्टीमा क्रोएसिया निकै भाग्यशाली रहँदै आएको छ । क्रोएसियाले १९९८ मा पहिलो विश्वकप फाइनलमा तेस्रो स्थानमा बनाउनेदेखि अन्य प्रमुख प्रतियोगिताको नकआउट चरणको खेल ८ मध्ये ७ खेलमा अतिरिक्त समय हुँदै पेनाल्टीमै जित निकालेको छ ।
विश्वकपमा क्रोएसियाका पछिल्ला पाँच नकआउट खेलमध्ये चार अतिरिक्त समयमा गएका छन् र जसमध्ये तीनवटा पेनाल्टीमा निर्णय भएको छ । क्रोएसिया आफ्नो अन्तिम १० अन्तर्राष्ट्रिय खेलमा अपराजित छ ।
युरो २०२० यताका सबै प्रतियोगिताहरूमा आफ्नो अन्तिम २० खेलमध्ये क्रोएसियाले एक खेलमा मात्रै हार बेहोरेको छ । यो प्रभावशाली दौडको क्रोएसिया शुक्रबार ब्राजिललाई कडा चुनौती पेश गर्नेछ ।
जोडी बोर्ना सोसा र जोसिप स्टानिसिक ब्राजिलविरुद्धको खेलमा उपलब्ध हुनेछ । डालिकले आफ्नो सुरुवाती ११ मा धेरै परिवर्तन गर्ने सम्भावना छैन, मिडफिल्ड मास्टर्स लुका मोड्रिच, मार्सेलो ब्रोजोभिच र माटेओ कोभासिचले सुरुवातमै खेल्नेछन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]