2 years ago
December 6, 2022
एजेन्सी – फिफा विश्वकप कतार २०२२ अन्तरगत आज (मंगलबार) मोरक्को र स्पेनबीच प्रतिस्पर्धा हुँदैछ । मोरक्को र स्पेनबीचको खेल एजुकेशन सिटी रंगशालामा नेपाली समयअनुसार राति ८ः४५ बजेपछि हुनेछ ।
दुवै टोली जित निकाल्दै क्वाटरफाइनल पुग्ने लक्ष्यमा हुनेछ । मोरक्को समूह ‘एफ’ को विजेता तथा स्पेन समूह ‘ईं’ को उपविजेता हो ।
समूह चरणको पहिलो खेलमा क्रोएसियासँग गोलरहित बराबरीमा रोकिएको मोरक्कोले त्यसपछि बेल्जियम र क्यानडालाई समान २–१ ले पराजित गरेर समूह विजेता बन्दै स्पेनसँगको भेट पक्का गरेको थियो । टोली त्यही जितको लक्ष्य लिएर मैदान उत्रनेछ ।
३६ वर्षपछि अन्तिम १६ मा पुगेको मोरक्को यसपटक विश्वकपमा त्यो भन्दा पनि उत्कृष्ट नतिजा ल्याउन चहान्छ । त्यसको लागि मोरक्कोले युवा खेलाडीले भरिएको बलियो स्पेनको चुनौती पन्छाउनुपर्ने हुन्छ ।
सन् १९८६ को विश्वकपमा प्रि–क्वाटरफाइनलमा पुग्नु नै मोरक्कोको उत्कृष्ट नतिजा हो । मोरक्को त्यो भन्दा अघि बढ्दै इतिहास बनाउन चहान्छ । टोलीले लगातार संगठित प्रदर्शन गर्दै नजिता निकालिरहेको छ । टोलीसँग गोलरक्षक यासिन बोनोसँगै अक्रफ हाकिमी हाकिम जिएच र युसुफ एन–नेस्रीजस्ता नाम चलेका खेलाडीको साथ छ ।
यसबाहेक नुसेर माजारोइ, रोमन साइस, नायेफ अगेर्ड, अक्रफ दारी, जवाद एल यामिक, याहिया अतिआत अलाल, बादर बेनुन, सोफ्यान अम्रबाट, सलिम अमल्लाह, अब्दलहमिद सबिरी, अजेदिन ओउनाही, बिलेल एल खानुस, याह्या जब्राने, सोफियाने बोउफाल, जाकारिया अबौख्लाल, एज आब्दे, अमिन हारित, इलिअस चेअर, अब्देरजक हम्दाला र वालिद चेदिरा छन् ।
यता, दमदार सुरुवात गरेपनि दोस्रो खेलमा बराबरी र तेस्रो खेलमा हारको सामना गरेको स्पेन मोरक्कोलाई हराएर जितको लयमा फर्कन चहान्छ । स्पेन यस विश्वकपमा युवा र प्रतिभावान खेलाडीले भरिएको टोली हो ।
२०१० को च्याम्पियन २०१४ मा समूह चरणबाट बाहिरिदा २०१८ मा प्रि–क्वाटरफाइनलबाटै बाहिरिएको थियो । यसपटक स्पेन त्यो तहभन्दा माथि जान चहान्छ । २०१८ मा स्पेन रसियासँग टाइब्रेकरमा पराजित भएको थियो ।
टोलीसँग उनाइ सिमोन, सेजार एज्पिलीक्वेटा, ड्यानी कार्भाजल, एरिक गार्सिया, ह्युगो गुइलामोन, पाउ टोरेस, एमेरिक लापोर्ट, जोर्डी अल्बा, आल्हान्द्रो बाल्डे, सर्जियो बुस्केट्स, रोड्री, गाभी, कार्लोस सोलेर, मार्कस लोरेन्टे, पेड्री, कोके, फेरान टोरेस, निको विलियम्स, येरेमी पिनो, अल्भारो मोराटा, मार्को एसेन्सियो, पाब्लो सराबिया, ड्यानी ओल्मो र अन्सु फाती छन् ।
विश्वकपमा यि दुई टोलीको यो दोस्रो तथा समग्रमा यो चौथो भेट हुनेछ । यसअघि यि दुई टोलीले २०१८ को विश्वकपमा समूह चरणमा प्रतिस्पर्धा गर्दा खेल २–२ गोलको बराबरीमा सकिएको थियो ।
त्यसबेला इन्ज्युरी समयमा इयागो आस्पासले गोल गर्दे स्पेनलाई हारबाट जोगाएका थिए । त्यसअघि सन १९६१ मा यि दुई टोलीले विश्वकपको छनोटमा प्रतिस्पर्धा गर्दा दुवै खेलमा स्पेन विजयी भएको थियो ।
September 29, 2024
एजेन्सी – स्पेनिस ला लिगामा क्याटलान क्लब बार्सिलोना ओसासुनासँग स्तब्ध बनेको छ । घरेलु मैदानमा ओसासुनाले यो सिजन सानदार सुरुवात गरेको बार्सिलोनालाई ४–२ ले स्तब्ध पारेको हो । ला लिगामा यो सिजन सानदार सुरुवात गरेको बार्सिलोनाको पहिलो हार हो । यससँगै यो सिजनको ला लिगामा बार्सिलोनाको आठौं खेलमा अपराजित यात्रामा पुर्णविराम लागेको छ । यसअघि […]
September 28, 2024
एजेन्सी – कोल पाल्मेरको ४ गोल सहयोगमा चेल्सीले इङ्ग्लिस प्रिमियर लिग(इपिएल)मा जित हासिल गरेको छ । चौथो जित निकाल्नेक्रममा चेल्सीले ब्राइटनलाई ४-२ ले हराएको हो । घरेलु मैदान स्ट्यामफोर्ड ब्रिजमा शनिबार भएको खेलमा चेल्सीका पाल्मेरले २१औं, २८औं र ३१औं मिनेटमा गोल गर्दै ह्याट्रिक पूरा गरे। खेलमा अगता भने ब्राइटनले लिएको थियो । जर्जिनियो रुटरको गोलमार्फत […]
September 28, 2024
एजेन्सी –इङ्ग्लिस प्रियिमर लिग(इपिएल)को शीर्ष स्थानमा रहेको म्यानचेस्टर सिटीले लगातार दोस्रो बराबरी खेलेको छ । लगातार दोस्रो बराबरी खेल्ने क्रममा साविक विजेता सिटी शनिवार न्युक्यासल युनाइटेडसँग १-१ को बराबरीमा रोकिएको छ । न्युकासलको घरेलु मैदानमा भएको खेलमा सिटीका लागि जेस्को जिभार्डियोल र न्युक्यासल एन्थोनली गोर्डनले गोल गरे । खेलमा अग्रता भने सिटीले लिएको थियो । […]